blogging master

 मायनि आबादारिफोरा अखा हानायखौ गोजोन्नाय फोरमायदों :- गोबां साननिफ्रायनो थोजासे अखा हायाखैमोन एबा हादोंमोनब्लाबो माय दुब्लियाव दै थायाखैमोन। आबादारिफोरा दैखौ लाना जिंगा सिना दंमोन। दै थायिनि जाहोनाव खायफा न सेराव दुब्लि थानाय आबादारिफोरा दै मतरनि गेजेरजों दै जगायनो गोनां जादोंमोन आरो दैमा सेराव दुब्लि थानाय खायफाया आबादारिफोरा  दैमानि दैजों दुब्लियाव दै जगाय नांदोंमोन। बैफोर दैखौ खोथिया थिलि फोनो थाखाय खालामनो गोनां जादोंमोन।   अखाया बे साननैसोआ हाबाय थानायलाय माय आबाद मावग्रिफोरा ऐसे गोजोन्नाय मोननाय फोरमायदों। मानोना बावैसो सिगां फोनाय खोथियाफोरा ऐसे दै मोंनखांनायलाय खोथियाफोराबो मोजां जाखांदों। अखा हानाय बे खाबुआवनो आबादारिफोरा धाम-धूम दुब्लियाव दै थेदों। 

 औवानि गोनांथि आरो बाहायथि  : औवाया जाथोसे बेसेनगोसा जिराद। औवाया जोलै बाराय होनो  बेगर थाया नाथाय फेंखा रज'नानैसो बारायो। गोदो-गोदायनिफ्रायनो आबै-आबौमोना औवाखौ बाहायबोदों आरो दासिमबो बाहायग़ासिनो। गामियारि ओनसोलफोरावथ' औवानि अनगा जेबोआनो जाया। न'लुनायाव बाहायनायनिफ्राय लानानै संनाय-खुरनाय, दानाय-लुनाय आगजेंफोरावबो औवाखौ बाहायनाय जायो।  औवानि रोखोम : औवाया फिसा आरो गिदिर जाथोनि थायो। औवाया गोबां जाथोनि दङ। जेरै - फुरखा औवा, बिज्लि औवा, मकल औवा, औवा थेरे आरोबाव गोबां दङ।  औवानि बाहायनाय : औवाखौ बायदि रोखोमनि खामानिफोराव बाहायनो हायो - (क) औवाजों न लुनो हायो। जेरै - बेरा होनाय, दर्जा बानायनाय, खुन्था गायनाय आरो उखुम मुदा लूनाय बायदि बायदि।  (ख) औवाजों बायदि रोखोमनि आइजें-आइलाफोर बानायनाय जायो।जेरै - जेखाय, खबाय, दाला-सान्द्री, गिसिब , खदाल बिखुं, सिखा बिखुं , माय रोगाग्रा हुलाबारि, हुखेन, मोसौ दोनदाल होग्रा खुन्थिया बायदि बायदि।  (ग) गोरान औवाखौ संनाय खुरनायाव बन महरै बाहायनाय जायो।  (घ) गामियारि ओनसोलनि फिसा-फिनला दैमानि सायाव औ...

 शिल्पा शेट्टी कुन्द्राया सुपर दानसार 4 आव बिजिरगिरि महरै फैफिनसिगोन : शिल्पा शेट्टी कुन्द्राया reality show ''Super Dancer: Chapter 4 " आव फिन खेबसेबाव बिजिरगिरि महरै फैफिनसिगोन। बिथांनि नखराव Covid-19 positive जानायनि उननिफ्रायनो बिथांआ जिरायथ'दोंमोन आरो मालिका अरोराखौ बिथांनि जायगायाव आबुं खालामथ'दोंमोन।   दायो शिल्पा शेट्टिया गावखौ Super Dancer 4 आव फैफिन्नो मोन्नानै जोबोद गोजोन्नाय फोरमायदों।जंखायलायनाय आरो सुबुंफोरजों आबुंयै  खामानि मावज्लायनो मोन्नायानो बिथांनि नखर होनना बिथांआ बुंदों।     शिल्पा शेट्टिया बुंदोंदि , "I am happy to be back on the sets of Super Dancer 4". These kids and the entire crew are all my family and I definitely missed them . I a'm finally back and we are having a blast. It's an honour for me to be here and watch these incredibly talented bunch of boys and girls."   

 महाराष्ट्र'आव Home Isolation नि गोदान नेम खान्थि : सुक्रबार खालि देहायारि सावस्रि बिफाननि मन्थ्रि राजेश टोपेआ बुङोदि, महारास्त्र सोरखारा गासै 18 जिल्लायाव Covid-19 बेरामिफोरखौ home quarantine खालामनाइखौ होबथानो थांखि लादों जेराव positive नि हारानो बांसिन आरो ओनसोलनि बैफोर गासै बेरामिफोरखौनो Covid Care Centre आव थिसन्नाय जागोन।  देहायारि सावस्रि बिफाननि बायदिब्ला, रायजोनि 36 जिल्लानि सतारा, सिन्धुदुंग, रत्नगिरि, असनामाबाद, बीद, रायगड, पुणे, हिंगोलि, अकोला, अमरावति, कोल्हापुर, थाने, संगली, गडचिरोली, वाड्रा, नाशिक , अहमेदनगर, आरो लाथुर आव positive हारनि अनजिमाया  गोबां हारनि गोबां दङ। 

China नि Yunnan आव बांग्रिं मावग्लुंदों : 23. 05 . 2021 : साउथवेस्ट चीननि युनान प्रोविन्सआव सनिबार खालि गोख्रों बांग्रिं मावग्लुंनायनि जाहोनाव खमैनो साथाम आरो सा 27 सुबुंआ जोखोम जायो । थैनाय सुबुंफोरा सानैया Yangbi नि आरो गुबुन सासेया Yongping County निमोन। साथाम सुबुंफोरा गोबारैनो जोखोम जायो आरो  माखासे 24 सुबुंफोरा ऐसेयै जोखोम जायो।  '72,317 थागिबि न'खरफोरनि मादाव 20,192 नखरफोरा बांग्रिंजों खहा खालाम जादों। चिननि Eearthquake नेटवर्क सेन्टारनि बायदिब्ला Yangbi आव  9 p.m निफ्राय 11 p.m आवलासै 5 magnitude आव खनब्रै बांग्रिं मावग्लुंनाया  जादोंमोन। 

 Covid-19 Positive जों साग्लोबजानाय जानाय सासे आयजोआ AMCH देहाफाहामसालियाव सानै गथ' जोनोम होदों : डिब्रुगरनि AMCH देहा फाहामसालियाव Covid -19 Positive जों साग्लोबजानाय सासे आयजोआ सुक्रबार खालि सानै गथ' जोनोम होदों। आयजोआ सासे हौवासा आरो सासे हिनजावसा गथ' जोनोम होयो।  हौवासानि लिरथाया 2. 5 के.जि आरो हिनजावसानि लिरथाया 2.3 के.जि। बिमानि गोर्बोआव थानाय गथ'खौ सिजारिं  खान्थिजों जोनोम जाहोनाय जादों।  बावैसो सिगां कक्राझार जिल्लायावबो COVID जों गाग्लोबजानाय 32 बोसोर बैसोनि सासे आयजोआबो RNBCH आव सासे हौवासा गथ' जोनोम होदोंमोन।   देहायारि सावस्रि बिफाननि मन्थ्रि केशब मोहन्तआ AMCH नि डक्टर आरो नार्स हानजाखौ लाना गावनि Twitter आव लिरनानै बाखानायदों, "Its profoundly heartwarming  to  see a , who covid+ve , holding her win babies born through IVF . Extremely proud of the @AMCH Dibrugarh doctors and nurshing team for the successful delivery."

जोंनि गामि  बेसे समाइना  जोंनि गामिया, बेसे सुखु -गोजोन जोंनि गामिया , बारि बागान जेरैबो ग्रोम-ग्रोम फिथाइ -सामथाइ, थायजौ,खान्थाल, लिथिगु, लिसु , रैमालि जेनिबो आंखाल गैया  नारिंखल ,गय-फाथै बागान आरोबाव दं गोबां , बयनिबो बारियाव मैगं-थायगं  बेनि अनगाबो दंसै हाग्रा हारिनि बायदिसिना मैगं -थायगं।  बेसे समाइना जोंनि गामिया , बेसे सुखु-गोजोन जोंनि गामिया, बयनिबो दुब्लि-दुब्लि माय आबाद जेनिबो जानाय-लोंनायनि आंखाल गैया।  स्राय-स्राय दैमानि दैया  जोंनि गामि सेरजों बोहै लांङो।  हे गसाई बेबायदि समायना सुखु -गोजोन जयगायावनो जोनोम मोनबाय थाथों। 

 Vaccine लानो थाखाय लारि साजायनाय नुथाय : कर'ना भाइराजनि साग्लोबसारनायनिफ्राय रैखाथि मोननो थाखाय  मिरु सोरखारा बयखौबो गोबां साननिफ्रायनो Dose 1 निफ्राय लाना Dose 3 सिम vaccine लानो थाखाय बिथोन होबोदों। बे vaccine लानाया दासिमबो जोबनो थाङाखै।   टंला चमुआपारा गेजेर फरायसालियावबो दिनै Covishield vaccine लानो थाखाय 18 बैसो बोसोर बैसोनिफ्राय 44 बैसोसिम हालागै लारि साजायनानै थानाय सुबुंफोरखौ नुनो मोनदों।   Covid Vaccine आ बायदि बायदि रोखोमनि दङ। जेरै - Covishield, Covaxin, Sputnik आरोबाव बाइदि बाइदि। नाथाय गुबुन गुबुन ओनसोलाव गुबुन गुबुन vaccine होनायखौ नुनो मोनदों। Covid Vaccine खौ लानो थाखै Online नि गेजेरजों registration खालामग्रोनांगौ आरो बेलासेनि प्राय  3 pm सोनिफ्राय online book खालामनो नाजानांगौ। 

औवा मेवायआ (औवा फेंखा) नर्थ ईस्ट रायजोनि जाथोसे मुंख'जाथाव जामु : औवा मेवायआ नर्थ ईस्ट रायजो सुबुंफोरनि जाथोसे गोथाव जानाय जामु। गुबुन मैगंफोर बायदि बेयो नर्थ ईस्ट रायजोआव जोबोद मुंख'जाथाव।     बेखौ बायदि बायदि रोखोमै जानो हायो। नाथाय जायगा लाना गावबाव मोजांमोननाय बायदियै जानाय जायो। मेवायखौ खायफाया अनलाखारै, खायफाया रुनानै, खायफाया गोरानै एवना जायो। नर्थ ईस्ट रायजोनि सुबुंफोरा मेवयाआव खायफा हारिफोरा अमा, दाव आरो खायफा हारिफोरा नाजों जायो। बेयो थारैनो जाथोसे गोथाव जाग्रा आदार।     गोबां बाजारफोरावबो मेवयाखौ  बायना मोननाय।नाथाय गासै समावनो बाजाराव मोननाय जाया आरो गासै जाथोनि औवा मेवायखौ जानाय  जाया।    

 सिलिगुरियाव लख्राया  सानै सुबुंखौ गाग्लोबदों : सिलिगुरियाव समबारखालि सुबुंनि थांलाय फैलाय ओसोलावनो मासे लख्राया सिरि सिरि थांनानै सानै सुबुंखौ मोदोम बोख्लाबना  जोखोम खालामदों। फुंनि प्राय 10 am सोआव सामानगरनि थागिरि गामियारि (local) फोथारावनो सोमोनांथाव जुनारजों मोगा-मोगि जादोंमोन। जेब्ला बिसोर बारगोनो मोनसे सांग्रांथि होदोंमोन ,अब्ला लख्राया समखिखांदोंमोन आरो बिसोरखौ गाग्लोबदोंमोन।       लख्राखौ हमनो हाबाय आरो बेंगल साफारि पार्कआव लाखिगोन होनना फरेस्ट अफिसार S.  SHERPA आ बुंदों। 

रबीना टंडना गोजा लिपस्टिकखौ फुननो मोनैयाव आसा थादों : थांनाय बोसोरनिफ्रायनो COVID-19 नि गोसारथिनि थाखाय बॉलीवुडनि फावखुंग्रि रवीना टंडनआ मोखांआव मुखा गानबोग़ासिनो आरो बिनि मेगन खेबनाय गोजा गाबनि लिपस्टिक लानायाव फेलें जागासिनो। रवीनाया रबिबाराव इंस्टाग्रामआव गावनि साननायखौ फोरमायदों। बियो गोजा गाबनि गोलाव dress गाननानै, गोजा लिपस्टिक फुन्नानै गावनो समायना सावगारि share खालामदों। रबीनाया लिरदों, '' हेलो थांनाय बोसोरनिफ्राय मुखा लानायनि थाखाय आंनि गोजा गाबनि लिप्सटिक एक्शनखौ लानायाव फेलें जाबाय थादों।       रबीना टंडनआ बावैसो सिगां इस्टाग्रामआव बेनि सोमोन्दैबो बुंनानै लादोंदि बिथांआ गावनि खामानिफोरखौ लाना गोसोआव फैबाय थादों जायखौ  बेरामनि गोसारथिनि थाखायनो  दोनथ'नो गोनां जादों। बिथांआ फैबायबाय थानाय क्राइम बेस्त सीरीज  "Aranayak" नि सुतिंनि समाव लानाय जोबथा साननि सावगारिखौबो post खालामदों जायखौ february आव लानाय जादोंमोन।   बिथांआ सावगारिजों लोगोसे लिरदों, Aranayak सुतिंनि जोबथा सान, february आव गासैबो खुसि मिनिनाय ,लोगो फोरखौ हास...

 आबादारिफोरनो 404 Crore रां होनायनि अनुमथि होबाय : अतुल बरा  17 मे 2021: रायजोनि आबादारि बिफाननि मनथ्रि अतुल बराया बुंदोंदि सारा 12.50 आबादारिनि नखरफ्रा प्रधान  मन्त्रि किशान सम्मान निधि (PM-KISHAN) बिथांखिनिफ्राय मुलाम्फा मोनगोन।   रबिबारखालि अतुल बराया Sentinel आव बुङो, " मिरु सोरखारा बावैसो सिगां आसामनि आबादारिफोरनि थाखाय 404 Crore रां  PM-KISHAN फाण्डनि अनुमथि होखाबाय। रांखौ आबादारिफोरनि बैंक account आव थोंजोंङै सोनानै होगासिनो। आं फाण्डनि अनुमथि होनायनि थाखाय मिरुखौ साबायखर बावो।"        रां मोनथावना आबादारिफोरनो instalment खानथियाव होनाय जागोन होननानै बुंदों। Prime Minister Narendra Modi आ  PM-KISHAN बिथांखिनि बे 8th थि instalment नि रांआरि मुलाम्फा मोनगोन धोनखौ 14th मे 2021 आव आदायो। आबादारि फोरा खेबफायाव 2000 रां मोनगोन होनना बुंदों। 

दिनैनि 12 रिंगानिफ्राय कारफिउ  : दिनै 16 मे , रबिबारनिफ्राय गोदानै बेलासेनि 12 PM रिंगानिफ्राय फुंनि 5 AM रिंगासिम  कारफिउ फोसावनाया  जागायबाय। गासै गलादार आरो गुबुन-गुबुन रोखोमनि फालांगियारिफोरखौ फुंनि 11 AM रिंगायाव बन्द' खालामनो आरो आवथायनो बिथोन होदों आरो 12 PM रिंगानिफ्राय रावबो थानो मोनै कारफिउ फोसावदों। कारफिउखौ  गुबुन दिनफोराव जिखिजाया फालांगियारि गलादारफोरखौ बेलासेनि 1 PM आव बन्द' खालामनो होनानै 2 PM निफ्राय कारफिउ होनाय जादोंमोन। आसाम सोरखारा COVID गोसारथिनि साग्लोबसारनाया बांद्राय जाबोनायलाय  लायो बेफोर थिरांथाखौ फिन खेबसेबाव लाफिननो  गोनां जायो।    गारिफोराव जरा-बेजरा अनजिमानि सुबुं जनाय, गासै सोरखार आरो सोरखार नङै अफिसफोर, सोलोंथायारि institute फोर, सानफ्रोमबो जानाय हाथायफोर गासैबो समानै बन्द' थाथ'गोन । बैफोरखौ COVID नि गोसारथिया बारानिफ्राय बारा जाबोनायनि थाखाय आसाम सोरखारा लानो गोनां जादों आरो सोरखारा आयेनफोरखौ मानिना सोलिनो बयखौबो खावलायदों।  

सबथाफ्रोमबो जानाय लटारिआव नाडियानि सासे लायमोना सिख्लाया 1 crore रांनि बानथा मोनदों : नादिया,वेस्ट बेंगलनि संगिता मुंनि सासे लायमोन सिख्लाया 24.03.2021आव सबथा मोनफ्रोमावबो जानाय लटारिखौ लानानै दायो बियो 1 crore रां बनथायाव देरहानो हादों। बिनि देरहानाय टिकेटनि नमबरा 48A  44503.  देरहागिरिया बुंदों, "बे बोसोराव crorepati जानो मोन्नानै गोजोन्नाय मोन्दों।आं media फोराव सबथायाव जानाय लटारिखौ लानानै 1 crore रां बानथा मोननायनि सोमोन्दै नुबाय थायो।आंहा आंनि  जिउआव गोबां थांखि दं। आं बे रांखौ आंनि नखरनि मोजांनि आरो आंनि जिउनि गोनांथिनि थाखाय बाहायगोन। आं साफ्रोमबोखौबो थुलुंगा होयो, सरानस्रारायै आयजोफोरखौ बायनो थुलुंगा होयो। जिउआव गुबुन गुबुन बिथिंआव खामानि मावग्रा गुबुन गुबुन आयजोफ्रा बे लटारिनि सबथायारि लटारि गेजेरजों crorepati जानो हादों। लटारि बादायनायखौ live आवनो नायनो हायो। 

 WUSHU CLUB DIMAKUCHI नि LOTTERY गेलेनाया दिनै जानानै थांबाय : 14 मे 2021: अदालगुरि  जिल्लानि WUSHU  CLUB DIMAKUCHI नि मुंआव बानायनाय LOTTERY गेलेनाया थांनाय 13 अक्ट' मे 2021 आवनो जानो गोनांमोन नाथाय बेलासेनि 1 रिंगानिफ्रायनो  कारफ्यू फोसावनालाय गोजाननि एजेन्टफ्रा फैनायाव थाब मोनफैयैनो हायाखैमोन। गोजाननि lottery एजेन्ट फोरखौ हर लाखिनायनि बेबस्था खालामना होनाय जायो आरो दिनै फुंनि 10.00 रिंगासोआवनो खम मानसिफोरखौ लानानै एबा बांद्राय थुबुर जाहोआ लासे lottery गेलेनायखौ जागायो। एजेन्टफ्रा सफैजोबनो हायाखैमोनब्लाबो bank account गेजेरजों रांखौ होरनायसै। मख'नो गोनांदि, WUSHU CLUB आ कारफ्यूनि थाखाय बांद्राय टिकेट फाननो हायाखैमोनब्लाबो खहा जाजानैब्लाबो टिकेट लाखायनाय सुबुंफोरनि फोथायनायखौ लाखिनो थाखाय खेलाखौ जाहोथारो।     Lottery टिकेट लागिरिफोरा गाहायनि Result Sheet नि गेजेरजों नम्बरखौ गोरोबना नायनो हागोन। 

 आसामनि निलाचल हाजोनि कामाख्या थानसालिखौ 15 साननि थाखाय बन्द' फोसावदों : 13 मे 2021: कामरूप मेट्र' जिल्लायाव COVID-19 Positive Case नि बांबोनाय थासारिखौ नायनानै  गुवाहातिनि निलाचल हाजोआव थानाय जारिमिनारि कामाख्या थानसालिखौ 13 मे निफ्राय 15 मे सिम फांथेगोन एबा बन्द' खालामगोन।  बेजोंनो लोगोसे थानासालि सामलायग्राया बेखौबो फोसावदोंदि निलाचल हाजोआव थानाय गुबुन गासै थानसालिफोराबो 15 सानहालागै बन्द थागोन।   बे थिरांथा रायजोनि सोरखारा बुधबार ख़ालि लादोंमोन। आसाम सोरखारा जायगायावनो थाग्रा गाहाय धोरोम सिबियारिफोरखौ नेमखानथि बायदियै इसे इसेयै फालिनो बिथोन होदों। 

 U.P नि गंसे नखराव 50 था जिबौ ओंखारदों  : फतेहपुर जिल्ला  जहानाबाद पुलिस मिरुनि सिङाव थानाय लागनाज ओनसोलनि गंसे नखराव जिबौ ओंखारदों। बियो गिखांनाय सोमजिहोदों।         नखरनि बिगोमा Gaya Prasada बुंदोंदि, बियो गिबियाव मासे फिसा जिबौखौ बिनि नवाव मंगलबार  खालि बेलासे समाव नुदोंमोन आरो बियो बिसोरखौ हमदोंमोन आरो फोथाराव हगारना होदोंमोन। उनाव आरोबाव मोनाबिलि समआव गामि आरो ननि खना-खनला जायगानिफ्राय निफ्राय जिबौआ ओंखारदोंमोन आरो गामियारिफ्रा गोबां थुबुर जादोंमोन। सासे जिबौ हमग्राखौ (snake charmer)  लिंहरनाय जादोंमोन आरो जिबखौ हमदोंमोन आरो दसे उनाव खाथिनि हाग्रा ओनसोलाव  हगारना होनाय जायो।                                                                                                  ...

 Homen Borgohain आ रुंसारि जाबाय : मुंख'जाथाव असमिया थुनलायगिरि साहित्य एकडेमि बानथा मोनगिरि,आसाम साहित्य सभानि आगुनि आफादगिरि, मुंदांखा सल'मागिरि आरो रादाब बिलायनि सुजुगिरि Homen Borgohainआ दिनै फुंनि  6:58 मिनिटआव रुंसारि जायो। थैनाय समसिम बिथांनि बैसोआ 89 बोसोर बैसो जाबायमोन।     दिनै अखानायसै 3 रिंगासो समाव हरखाब उन्दुग्रा बिसनानिफ्राय गोग्लैनायाव हरखाब फाहामथाय होनो GNRC Hospital आव थिसन्नाय जादोंमोन नाथाय मोजां फाहामथायनि राहालादोंमोनब्लाबो बिथांखौ देहा सावस्रि बिफाना   थैबाय होनना फोसावो। बिथांनि थैनायाव दुलाराय रायजोआनो दुखु फोरमायथिदों। 

 तिनसुकियाआव बमा बेरफ्रुना सासे 12 बोसोर बैसो गथ'नि जिउ खहा : 11 May 2021 :आसामनि तिनसुकिया जिल्लायाव दिनै 11 मे मंगलबाराव बमा बेरफ्रुनायजों सासे 12 बोसोर बैसोनि गथ'नि जिउआ खहा जायो। बेयो मोनसे दुखु नांथाव जाथाय।     खहा जानाय गथ'खौ सुजय हाजं होनना मोन्थिदों, जेब्ला बियो साइकेल सालायबाय थादोंमोन बियो जिल्लानि जागुन पुलिस स्टेशन ओनसोलनि हाजं गामिनि लामायाव गोग्लैना थानाय  मोनसे ग्रेनेट मोनदोंमोन होनना senior Police officer आ बुङो। बियो बुंबावदों, जेब्ला गथ'वा बमाखौ खनखांनो नाजादोंमोन, बेयो बेरफ्रुदोंमोन आरो गथ'वा जोखोम जादोंमोन ।          खौरांआव मोनथिनायबायदियैब्ला गथ'खौ गोख्रैनो हाखु-दाखुयै   Margherita Civil Hospital आव लांनाय जादोंमोन नाथाय डक्टरा गथखौ थैखाबाय होनना डक्टरा बुंखाबायमोन।        दासिमबो बे जाथायनि सोमोन्दै आबुंयै मोनथिनो हानाय जायाखै एबा बमा गारना दोननाया सोरनि नाजानायमोन मोनथिनाय जाथ'वाखै। अदेबानि बेनि सोमोन्दै थाबैनो नायबिजिर संगोन आरो detail फोरखौ दिहुनगोन होनना अफ़िसारा बुंदों। ...

 HS 1st year नि आजादखौ बोखारबाय :                  कर'नानि गोसारथिया दासानदि बांबोगासिनो थादों आरो गिख्रंथाव महर लाबोदों। सुबुं जिउनि थैनायहाराबो बांबोगासिनो थादों।जायनि थाखायनो गुदि फरायसालिनिफ्राय लाना मुलुग सोलोंसालिसिम थाखो फोरखौ बन्द' लखिनो गोनां जादों।                 11 एबा HS 1st year नि आनजादखौ बोखारनाय जाबाय आरो गासै फरायसाफोरखौ HS 2nd year आव बारहोनाय जागोन होनना ASHEC आ फोरमायदों। बे थिरांथाखौ कर'ना नि गोसारथिनि थाखाय लानाय जादों होनना Board आ बुंदों। आनजाद होनो गोनां फोरायसाफोरा 2.5 लाखफ्राम खाथियाव दं बिसोर गासै फरायसाखौनो बारहोनाय जागोन होनना फोसावदों।                  HS 1st year नि आनजादा 4/05/2021आव जानो गोनांमोन नाथाय एप्रिल दानावनो कर'नानि गोसारथिनि थासारिखौ नोजोर होनानै अनजादखौ दोनथोनाय जादोंमोन। बे जोथाबखेबनि थिरांथा लानायाव कर'नानि साग्लोबसारनाया गिथाव महर लानायनि थाखाय थोंजोंङै HS 1st year नि फरायसाफोरखौ...

दिनै Dr. Himanta Biswa Sarma नि समायखिरा लानायजों लोगोसे गोदानै गासै सा 13 केबिनेट मनथ्रिनि सायख'नायाबो जानानै थाङो : थांनाय 9 मे आव गोदानै सायख'जानाय आसामनि गिबि मन्थ्रि Dr. Himanta Biswa Sarma नि समाय खिरा लानाय हाबाफारिया दिनै गुवाहाटीनि शंकरदेव कलाक्षेत्रआव जानानै थाङो। बेजोंनो लोगोसे AGP, BJP आरो UPPL राजखान्थि हान्जानि गेजेरावनो गासै 13 केबिनेट मन्थ्रिफोरखौ सायख'यो। सायख'जानाय मन्थ्रिफोरनि मुंफोरा जादों - रनजित कुमार दास, अतुल बरा,उर्खाव गोरा ब्रह्मा, परिमल शुक्लाबैदा, रानोज पेगु, सन्जय किशान,जगेन महन,अजन्ता नायक, अशोक सिघाल, चंद्र महन पट'वारी, केशब महन्त', पिजुश हजरिका, बिमल बरा।             दिनैनि समायखिरा लानाय हाबाफारियाव BPF दोलोनि आफादगिरि हाग्रामा महिलारिजों लोगोसे रबिराम नार्जारि, चरन बर आरो दुर्गा दास बर'मोनाबो बाहागो लाहैयो।  63 नं सापागुरि बिधान सभानि UPPL दोलोनि बिजाथिनिफ्राय केबिनेट मन्थ्रि सायखजानाय उर्खाव गोरा ब्रम्हाआ दिनै बिमानि राव एबा बर' रावजोंनो समायखिरा लायो, आं मुश्रि उर्खाव गोरा बृह्मआ समाय खिरा ला...

 Dr. Himanta Biswa Sarma खौ आसामनि गिबि मन्थ्रि महरै सायखबाय :       आसामाव social media नि गेजेरजों गोबाव समनिफ्रायनो गिबि मन्थ्रिया सोर जामारगोन सावरायज्लायबाय थानायखौ नुनो मोनदोंमोन। गोबां साननाय आरो सावरायज्लायनायनि गेजेरजों जोबथायाव  दिनैनि  9 May खालाराव आसामनि जानो गोदानै जानो गोनां गिबि मन्थ्रिनि मुंखौ फोसावना होबाय। बिथांआनो जादों  Dr.  Himanta Biswa Sarma .          Sarbananda Sanowal  जोबथायाव B.J.P दोलोनि बिथाोनखौ मानिना लानो गोनां जायो। दिनै गुहाटियाव B.J.P  दोलोनि M.L.A हान्जा आरो मिरुनि दैदेनगिरिफोरनि गेजेराव मोनसे गोनांथार मेल जुथुमनाय जानानै थाङो। बे मेलनि गेजेरजोंनो आसामनि गिबि मन्थ्रिनि मासियाव Dr.  Himanta Biswa Sarma नि मुंखौ थोंजोंयै मुंख'ना होयो। लोगो -लोगोनो Sarbananda Sanowal आ गंग्लायना मिनिस्लु मोखांजों मिनिनानै थांनाङो। माखासे आरोबाव  सायख'बावनो गोनां बिबानफोरखौ दिनै सायख'जोबनाय जायसै। फैबायथानाय समफोरावसो थिरांथा लागोन होनानै...

 दिनै  "Mother's Day": दिनै मुलुगनाङैनो बिमा सिबिनाय सान जायखौनो "Mother's Day" होननानै बुंदों। हादोर नाङैनो गावबा गाव जोनोमगिरि बिमाखौ दिनैनि समाव मान एबा सनमान होदों।   Mother's Day खौ बोसोरफ्रोमबो मे दाननि नैथि रबिबाराव फालिनाय जायो नाथाय बिनि जेबो थिखानाय अक्त' थाया। Mother's Day खौ गिबियाव US आव फालिग्रोनाय जादोंमोन।  जारिमिन : Mother's Day was first celebrated in the US, in 1908 when a woman named Anna Jarvis wished to commemorate Mother's Day as a recognised holiday to honour her mother, Ann Reese Jarvis who was a peace activist and had passed away three years prior. Anna had a memorial for her mother in St. Andrews Methodist Church in West Virginia - which is now the International Mother’s Day Shrine. Anna Jarvis wanted to honour her mother as she believed that a mother is “the person who has done more for you than anyone in the world”.

खोला दिल्ली नि कविड-19 गोसारथिजों गोहोमखोख्लै जानाय सुबुंफोरखौ पठान एकाडेमिया बेसेन नाङै जामुं जाहोनायनि राहा खालामना होगोन:  9/05/2021: भारतनि former क्रिकेट गेलेगिरि युसूफ पठान आरो इरफान पठान बिदा-फंबाय सानैया हादरनि  covid-19 गोसारथिजों गाग्लोबजानाय आरो आंखालाव गोग्लैनाय खोला दिल्लीनि सुबुंफोरनो गावसोरनि  क्रिकेट एकाडेमि (CAP) निफ्राय बेसेन होनाङै जामुं जाहोनायनि राहा खालामगोन होनना twitter account नि गेजेरजों फोसावदों।                दिल्लीयाव Covid-19 गोसारथिजों गाग्लोबजानाय सुबुंफोरनि अनजिमाया बांबोबाय थानाय आरो थैनायनि अनजिमाफोराबो बांबोगासिनो थादों। बेफोरबाइदि हालोदखौ नुनानै बिथांमोना CAP Academy निफ्राय बेसेन होनाङै जामुं जाहोनायनि राहा खालामगोन होनना बुंदों।  युसूफ पठान आरो  इरफान पठानआ लिरना फोरमायदों, 

 Bollywood नि फावखुंग्रि कंगना रनौतनि देहायाव कर'ना positive: Bollywood नि फावखुंग्रि कंगना रनौतनि देहायाव कर'ना positive मोन्दों। बिथांआ दायो आलादायै थादों आरो  गासै नेम खान्थिफोरखौ मानिना  सोलिदों आरो बुंदों हर हर महादेव कोविद खौथ' आं फेजेनगोन।       कंगना रनौतआ गावनि कर'ना positive जानायनि समोन्दै Instagram account आव फोरमायदों।  बिथांआ लिरदोंदि, "थांनाय सानैसो सिगांनिफ्रायनो आं मेंनाय मोनबाय थादोंमोन आरो आंनि मेगनखौ खामग्लाबनाय बायदि लोरबां  मोन्दांथि मोनबाय थादोंमोन। आं हिमाचल थांनायनि सोमोन्दै साननायसै। बिनि उनावनो आं मैया कर'ना आनजाद नायो आरो बिनि फिथाइआ  दिनै ओंखारबाय  आंहा covid positive ".       बिथांआ लिरबावदों ,'' आं गावनो आलादायै थादों, आं गावनो मिथिया दि बे virus आ आंनि देहायाव बोरै  फैखो। नाथाय दायो आं बिखौ फोजोबस्रांगोन। सुबुंफोरा गावनि गोहोखौ ओरैनो बिरहोनो नाङा। जेसेबांनो नों गियो एसेबांनो नोंखौ  सिगिगोन। फै जों  बयबो खोसेयै गोरोबलायना covid खौ फोजोबस्...

Botanic Garden आ बन्द' थासिगोन :   भारतनि Botanic Garden आ गासै नायगिदिंनो फैग्रा, फुंआव बेरायनो फैग्राफोरनि थाखाय जेबो थिखानाय गैयै  समसिम 10 मे निफ्राय बन्द' थागोन मानोना कोविदनि गोसारथिया बारानिफ्राय बारा जाबोगासिनो दं होनना बागाननि Authority आ बुंदों।         बे थिरांथाखौ थांनाय सुक्रबार खालि Botanical Survey Of India Director, A. A. Mao आ लादोंमोन। नायगिदिंनो थांग्रा सुबुंफोरा covid नि गोसारथिनि जाहोनाव  एरैनो एसे खमाय हांखाबायमोन, नाथाय फुंआव बेरायग्लांग्रा सुबुंफोरा 5.30 a.m निफ्राय 7.30 a.m सिम सोलिबाय थायोमोन।          Security Guard फोरा virus नि गिथाव-बाथाव  सोमोन्दै फोरमायना होनायलाय बे बागानखौ बन्द लाखिनाय जादों होनना senior scientist आ बागानाव बुंदों। बागानखौ खुलिफिन्नो थाखाय  फैबायथानाय समफोरावसो थिरांथा लागोन होननानै बुंदों।          

 सासे आयजोआनो सा गु खुदिया ' जोनोम होदों : मालिनि 25 बोसोर बैसोनि सासे आयजोआ थांनाय 4 मे मंगलबार खालार खालि गासै सा गु खुदिया ' जोनोम होदों। बिसोरनिनो गेजेराव सानैखौ Scan आनजाद नायनायाव डाक्टरफोरा हमदांनो हायाखैमोन जायनि थाखाय गोमोहाबनाय फोरमायदों। बाथ्राखौ मोनथिना आफ्रिकानि सुबुंफोराबो गोमो हाबदों।           Halima Cisse खौ सिजारिं खालामनाय जायो (Caesarean Section)।  बिनि गोर्बीनिफ्राय जोनोम होनाय सागु खुदियाफोरनि मादाव साबाया हौवासा आरो साब्रैया हिन्जावसा। बिसोरनि गेजेराव साफ्रोमबो मोजाङै दङ। सासे आयजोआनो सागु  गथ' जोनोम होना थांना थानाया बेयो मोनसे बुहुमङैनो रेबगन (record) जादों।           गोर्बोआव थानाय समाव आयजोखौ आनजाद नायनायनि गेजेरजों सा स्नि (septuplets) खुदिया जोनोम होनो जागोन होनना आसा खालामदोंमोन। President Bha Ndaw आ थांनाय दानाव Halima Casse खौ बेखायनो Morocco private देहा फाहामसालियाव थिसन्नो थाखय नारसिनदोंमोन एबा  जर खालामदोंमोन। रेबगनथि जाना थानाय बे खौरांखौ Mali नि देहा ...

Bodoland Entertainment life Youtube Channelआ बैसागो हान्जा बादायलायनाय बान्जायनाय फिथाइखौ फोसावबाय :      थांनाय 15 एप्रिलनिफ्राय 21 एप्रिलसिम Bodoland Entertainment life Youtube Channel आ बैसागो हान्जा बादायलायनाय बान्जायदोंमोन। नाथाय दुखुनि बाथ्रादि बे बादायलायनायाव गासै मोनबा हान्जायाल' बाहागो लायो जायनि थाखाय बान्जाइग्राया गोनो गोथो जानाङो खम बादायारिफोरखौ लाना माबोरै फिथायखौ फोसावनो होनना। अब्लाबो  Bodoland Entertainment life Youtube Channel आ फिथाइखौ फोसावबाय नाथाय मोनसेल' हान्जानो हामग्लायथि एबा  अनसायनाय बानथा महरै 1000/ रां होनो थांखि लाबाय। बिनिथाखाय दुखु फोरमायदों।       अनसायनाय एबा हामगलायथि मोननाय हान्जाया जादों -" दौदिनि सेंग्रा सिख्ला हान्जा"। दैदेनगिरि : बिग्राय दैमारि।  Bodoland Entertainment life Youtube Channelआ देरहानो हानाय हान्जाखौ गोजोन हामग्लायनाय बावहरदों। 

BPF राजखान्थि  हान्जानि सानै  MCLA आ UPPL राजखान्थि दोलोआव जगदान होबाय : थांनाय 2 मे रबिबारखालि आसाम बिसायखथिनि फिथाइखौ फोसावनाय जादोंमोन  जेराव BTR नि मोन 12 मासिनि मादाव  UPPL राजखान्थि हान्जाया मोन 6 मासि, BPF राजखान्थि हान्जाया मोन 4 मासि आरो BJP राजखान्थि दोलोआ मोन  2  मासियाव देरहानो हादों।       UPPL राजखान्थि हान्जानि बांसिन मासि मोननाय आरो बे हान्जानि माखासे खामानिफोरखौ मोजां मोन्नानै BPF राजखान्थि हान्जानि सानै MCLA आ UPPL हान्जायाव जगदान जाबाय। 13 नं सिरां बियाबनि मानगोनां MCLA  B Saoragwra Amar Basumatary  आरो 17 नं मानास बियाबनि मानगोनां Dhananjay Basumatary आ UPPL राजखान्थि हान्जायाव जगदान होबाय । UPPL हान्जाया बिथांमोनखौ गोसो खुसिजों बरायदों। 

बाक्सा जिल्लायाव  इउ.पि.पि.एल. दोलोनिफ्राय मोनथाम बियाबाव देरहानो हादों :    आसाम बिधान सभा बिसायखथिनि फिथाइखौ 2 मे, रबिबार सानखालि फोसावनाय जादोंमोन। मोजां खौरांदि, बाक्सा जिल्लानिफ्राय मोनथाम बियाबावबो इउ.पि.पि.एल. दोलोआ देरहासाद जानो हादों।      बाक्सा जिल्लानिफ्राय भुपेन बर' (62 नं बरमा), इउ. जि.ब्रह्मा ( 63 नं सापगुरि) आरो लेह'राम बर'आ (58 नं तामुलपुर ) इउ.पि.पि.एल. दोलोनिफ्राय गोरलैयैनो देरहानो हायो। 62 नं बरमा बियाबाव इउ.पि.पि.एल दोलोनि बिजाथि भुपेन बर'आ 62,270 भत, 63 नं सापगुरिनि इउ. जि.ब्रह्मा 61,302 भत आरो 58 नं तामुलपुर बियाबनि 78,484 भत मोननो हायो।     बिथांमोना देरहासाद जानायलाय गोजोन्नाय फोरमायदों आरो भट होगिरिफोरखौबो साबायखर बावदों। 

 अखा  ज्रुब-ज्रुब अखा हादों, अखानि दैया गावबा-गाव लामा लादों , बोहैलादों जिरि-जिरि गावबा-गाव लामाजों, आबादारिफोरा खदाल लानानै थांदों दुब्लियाव  बोहैनाय आरो अखा हादैनि दैखौ जगायना दोननो माय आबादनि थाखाय।   आबादरिफोरा मोसौ - नांगोल लाना थादों दुब्लि फोथाराव हाल एवनो,खोथिलि थिलि फोनो। आसा खालामदों बयबो आबादा देग्लायबो मोजां जाथों होनना।  ज्रुब - ज्रुब अखा हादों। 

 उर्खाव गोरा ब्रह्मआ सापागुरि बियाबनि रायजो-राजाफोरखौ गावनि फेसबुक एकाउन्टनि गेजेरजों साबायखर बावदों :      थांनाय 2 मे रबिबार सानखालि आसाम बिधान सभा बिसायख'थिनि  फिथायखौ फोसावनाय जाबाय। बि. टि. सि. नि मोन 12 बियाबनि गेजेराव इउ.पि.पि. एल. दोलोआ गासै मोन्द' मासिआव देरहानो हादों। बेनिनो 63 नं साफागुरि बिधान  सभा बियाबनिफ्रायबो इउ. पि. पि. एल. नि  बिजाथि उर्खाव गोरा ब्रह्माआ देरहासाद जानो  हादों। मखजाथावना दि बिथांआ गोबां फारागथियाव भत देरहासाद जानो हादों।         बिथांआ गावनि देरहासाद जानायाव गोजोन्नाय फोरमायदों, बेखायनो बिथांआ फसेबूक एकाउन्टनि गेजेरजों साफागुरि ओनसलनि रायजो राजाफोरखौ साबायखर बाउदों।         बिथांआ लिरदों , "2021 मायथायनि आसाम बिधान सभा बिसायखथियाव 63 नं सापागुरि बियाबनिफ्राय देरहासाद जानायनि उनाव आं जोबोद गोजोन्नाय मोन्दों। बेनि थाखाय आं सापागुरि बियाबनि गासै रायजो राजाफोरनो  आंनि खुलुमनायजों लोगोसे साबायखरबो बावहरो । रायजो राजाफोरनि बे अननाय आरो म...

बलीवूडनि महर गोसा फावखुंग्रि मनिषा कोइरेलाया केनसार बेरामखौ लाना गांसे बिजाब रनसायदों :   बलीवुडनि महरगोसा फावखुंग्रि मनिषा कोइरेलाया "Healed" मुंनि गांसे बिजाब रनसायदों, जेराव बियो केनसार बेरामनि दावहाजों  जुनिनाय समाव मोननाय रोंगौथि आरो जोबथायाव देरहानो हानायनि सोमोन्दै लिरदों।     2012 मायथायाव बेरामाव गोग्लैनाइनिफ्राय गोलाव सम सहायनो हायै खस्ट' दुखु मोनहोग्रा बेरामनि दावहजों नांथाबनानै बियो 'Cancer Free ' फोसावदोंमोन। स्नि बोसोर जिरायथ'नायनि उनाव बियो 2018  मायथायाव Sanju सावथुनाव फाव खालामदोंमोन।बेयो मोनसे Blockbuster सावथुनाव ।

 बिमल आरो अनसायग्रा बर' आ थन्नानै (folding) जेरावबो लाबथिंनो हानाय आरांगा,मासि बायदि बायदि दाथायफोर बानायो :     अदालगुरि द्रिस्टिक, भेरगाँव मुहुकमानि सिङाव थानाय थागिबि से नं टोटोलापारानि मुश्रि बिमल बर' आरो अनसायग्रा  बर' सानैजों  लोगो जानानै बोसोरसे आगोलनिफ्रायनो मोजां-मोजां थन्नानै लाबथिंनो हानाय दाथायफोरखौ बानायबोगासिनो दं।          बिथांमोननि बेफोरबायदि समायना समायना महर होनाय दाथाया आथिखालाव खाथि - खाला ओनसोलफोराव गोसारनो आरो मुंदांखा जाबोनो हमदों। बिथांमोना थननो हानाय आरांगा (Table), मासि (chair), टूल , डायनिं आरांगा  (dining table) आरोबाव बायदि बायदि दाथायफोरखौ दायो एबा महर होयो। बिनि अनगायैबो औवानि आरांगा ,मासिफोरखौ बिथांमोना बानायो। थनग्रा  design नि  सुबिदाया बेनोदि गिदिर बेसादफोरखौबो थन्नानै जलंगाफ्राव सोनानै जेरावबो लांलाय-लाबोलाय खालाम जायो।           बेनि अनगायैबो बिथांमोना सुबुंफोरनि थिननाय बायदियै जेखौ बानायनो थिनो बेखौनो बानायनो ह...