blogging master

 Bollywood नि फावखुंगुर अजय देवगानआ कर'नानि दावहायाव जुजिनो ओंखारबोदों, गं 20 बिसिनानि अनसुंथाय होदों :       हादोराव कर'नानि गोसारथिया बांबोगासिनो थादों। कर'ना virus जों गाग्लोबजानाय सुबुंफोरनि अनजिमायाबो बांबो ग़ासिनो थानायलाय प्राय देहाफाहामसालिफोराव  बिसिना आरो अक्सिजेननि बिबांआबो आंखाल जानानै फैदों। बेबायदि हालोडफोरखौ नुनानै Bollywood नि गुवार गोसोनि अनसुला-अनसुलि  फावगिरिफोरा सासेनि उनाव सासे हेफाजाब होनो आवग़ायबोदों।                   अजय देवगनआबो कर'नाजों साग्लोबसारजानाय हालोडफोरखौ नुनानै फिन खेबसेबाव मदद होनो आवग़ायबोदों। फावखुंगुर अजय देवगनआ मुम्बाइनि शिवाजी पार्क बृहन मुम्बाइ नगर (BMC) आव कर'नाजों साग्लोबजानाय बेरामिफोरनि थाखाय गासै गं 20 ICU बिसिनानि जगार खालामना होदों। अजय देवगाना बेनि थाखाय 1 कौटि रांनि अनसुंथाय बाउदों।                   

गसायगावआव रोगाखोमानाय मोसौजों लोगोसे साथाम दुथांफोरखौ मोनादों : सिमुलतापु पुलिस थानानि दोलोसे पुलिस हान्जाया गंसे गारिनिफ्राय (WB 85 2613) मा 27 था मोसौ मोनादों आरो साथाम सुबुंखौ खानो हायो। बिसोरखौ Amazed Ali (29), Abdul Seikh (26) आरो Giasuddin (22) होनना सिनायनाय जादों।    मोसोफोरखौ Cooch Behar नि  कामाख्यागुरिनिफ्राय रोगागासिनो दंमोन। मोसौनि आयेन मानिआजासे रोगानाया बे ओंसोलाव बांबो गासिनो आरो पुलिसआबो साननैसो सिगांनिफ्रायनो बे ओंसोलाव नंखाय मावबाय थानायनि जाहोनाव गोख्रों operation खालामगासिनो दं होननानै थानानि OC Paul Lahlimchang बिथांआ बुंङो।

अरणाचलआव बांग्रिं मावनायनि जाहोनाव सानै सुबुं जोखोम, आरो माखासे न' खहा जादों : आसामजों लोगोसे north east नि गुबुन रायजोफोरावबो बांग्रिं मावनाया समखिखां होनो हादों। ओरोयहाय 28 एप्रिल खालारनि फुंनि समाव इटानगर आरो आरो अरुणचालनि गुबुन-गुबुन ओनसोलफोराव गोख्रै बांग्रिं मावग्लुंनाया जादों।        खौरांआव मोननाय बायदिब्ला, Tawang  ड्रिस्टिकआव बांग्रिं मावनायाव गासै गं 22 था न'फोरनि खहा जादों आरो सानै इसे जोखोम जादों।         West Kameng ड्रिस्टिकआवबो खहा जानाया सुबुंफोरखौ समखिखां होदों। जेखियानो जाया मानो , बेयाव रावनिबो सुबुं जिउनि खहा जानाय खौरां मोनाखै। मोननैसो गावस्रानायफोरखौ Bharlukpong ADC अफिसआव नुनो मोननाय जादों। Rupa होननाय जायगायाव हानि गुगानाय खौरां मोननाय जादों।         Bharlukpong आरो Tippi नि गेजेराव थानाय Balipara Chardur - Tawang लामायाव मोनसे Major दैनि पाइपआ बांग्रिंजों खहा जाजानाय लोगो-लोगोनो हा गुगानायनिबो जाहोन जानानै फैयो आरो हाजो सानिफ्राय अनथाय गोग्लैनो हमो।      ...

 बांग्रिं मावग्लुंनायनि जाहोनाव नलबारि ड्रिस्टिकआव गोबां अजिमानि building फोरा खहा जादों : 29 एप्रिल 2021 : 28 एप्रिल खालार फुंआव मावग्लुंनाय बांग्रिंआ दुलाराय नलबारि ड्रिस्टिकनि सुबुंफोरखौ समखिखां होदों आरो सुबुंफोरा गावखौ रैखाथि होनो थाखाय नसिंनिफ्राय बायजोआव ओंखारबोनो गोनां जायो। गिलु -बालु बांग्रिं मावग्लुङनायनि जाहोनाव बे ड्रिस्टिकनि गुबुन-गुबुन जाएगाफोराव गोबां न-बां आरो गिदिर buildings फोरा खहा जादों।    मावग्लुंनायनि जाहोनाव बालिचिता ड्रिस्टिकनि जारिमिनारि  building Kali Devalaya नि wallआ गावस्रायो। नलबारि town आवबो मोनसे मोजां building आनो  खहा जायो। बैआव मोनहैनाय सासे खौरांगिरिनि बायदिब्ला ,गवालपारा ड्रिस्टिकनि गोजौ फरायसलि,बार चेनिकुसि गुदि फरायसालि, बरझार गोजौ फरायसालि , बालाबारि गुदि फरायसालि ,बराजर गर्ल्स गोजौ फरायसालि , माखिबाहा बैश्यापता गुदि फरायसालि आरिनि wall फोराबो गावस्रादों। 

 तेलगुनि मुंदांखा फावखुंगुर  Allu Arjun नि देहायाव करना positive  मोननाय जादों  :       तेलेगु सुपारस्टार Allu Arjun आ 28 अक्त' बुधबार खालि बुंदोंदि बिनि देहानिफ्राय novel coronavirus positive  मोननाय जादों आरो बियो दायो आलादायै थादों।   38 बोसोर बैसोनि फावखुंगुर  Allu Arnjun आ गावनि tweeter आव लिरनानै  बिनि बेरामनि सोमोन्दै लिरनानै मोनथि होदों। बियो लिरदोंदि ," हेलो बयनिसिमबो! आंहा coronavirus positive जादोंं। दायो आं हारसिंनो नवाव आलादायै थादों  आरो गासै मानिनो गोनां नेमफोरखौ फालिगासिनो दं। आं खावलायो गासै आंनि मोजां हास्थायग्रा आरो मोजां मोनग्राफोर नोंथांमोना  जिंगासिनो नांगा आं दायो मोजांङैनो  दङ।"         Arjuna आ गावजों सोमोन्दो थानाय गासैखौबो corona आनजाद नायनो होदों।लोगोसे  नवाव थानो आरो जेब्ला खाबु मोनो corona आनजाद नायना लानो खावलायदों।  बिथांआ  बुंनानै लाबावदोंदि बावैसो सिगां बियो नखरनि सोद्रोमाफोरजों मालदीपाव बेरायहैदोंमोन। बिन...

  जरहातनि "केन्डेरु बिहु कमित्ति"आ जानो गोनां  बिहु खुंथायखौ बोखारनानै गंसे "Ambulance" बायदों :  28 /04 /2021: रायजोनि दाब-दाब जायगा एबा खना -खनला थानाय गामिफोराव बिहु खुंथाय (रंजालि बैसागु) खुंनो थाखाय लाहार-फाहार खालामनाय जादों। बेनिनो गेजेराव जायगा लाना जायगा खुंथायखौ (Function) खुंनो हादों नाथाय Novel Coruna Virus नि गोसारथिया बारानिफ्राय बारा बांबोनायनि थाखाय बोखारनाबो लाफिननो लानो, गोनां जादों। जरहातनि "केन्डेरु बिहु कमित्ति" आबो बिहु खुंथाय खुंनो थाखाय लाहार -फाहार खालामदोंमोन आरो माखासे रांखौबो बुथुम खाबायमोन। नाथाय करुणा virus नि गोसारथिया बांबोबाय थानायनि  जाहोनाव  बिहु खुंथायखौ बोखारनानै (cancell) लायो। अदेबानि देग्लायबो सोरखारनिफ्राय नैबे गिलु - बालु समाव बयखौबो बोखारना लानो बिथोन होखानाय जादों।         "केन्डेरु बिहु कंमित्ति"आ बिहु खुंथायनि मुंआव बुथुमनाय रांफोरखौ नांगा-फांगा बाहायाबालासेनो सुबुं सिबिथायनि  थाखाय गंसे Ambulance खौनो बायो। रायजोआव Covid -19 आ बांबोबाय  थानायलाय Medical बिफानाबो...

Bollywood नि सुपारस्टार फावखुंगुर Akshay Kumer आ कोविद -19 नि गोसारथिनि थाखाय Gaotam Ghambhir नि फसंथानाव 1 crore अनसुंथाय बावदों :-  New Delhi : फावखुंगुर Akshay Kumer आ सुबुंनि मोजां हास्थायग्रा साहसगोनां सुबुं होनना बयजोंबो  सिनाय जायो, बिथांआ गोदोनि क्रिकेट गेलेगिरि आरो दानि  M.P. Gaotam Gambhir नो NGO फसंथानाव Covid -19 नि गोसारथिजों गोहोम खोख्लै जानायनि जाउनाव 1 Crore रां अनसुंथाय बावदों।   39 बोसोर बैसोनि गोजाम क्रिकेट गेलेगिरि आरो दानि  M. P Gaotam Gambhir आ Akshay Kumer खौथोजासे अनसुंथाय होनायनि थाखाय  सनिबारै मोनाबिलि समाव गावनि tweeter आव आव लिरनानै साबायखर बावदों।Gautam Gambhir आ लिरदोंदि , बे समाव बिथांखौ मोनफ्रोमबो हेफाजाबनि हाथर्खि होनना आसा खालामनो हायो Gaotam Gambhir फॉउण्डेशननि थाखाय 1 कौति रांनि अनसुंथाय होनो हानायनि थाखाय साबायखर। बे रांजों गोनांथि जानाय जामुं ,अक्सिजेन आरो मुलै आरिनि बेब'स्ता खालामनाय जागोन होनानैबो बिथांआ लिरदों।         

  सलमान खाना मुम्बाईनि frontline workers फोरनो 5000 पेकेट जानाय -लोंनाय आदार रानना होनो थाखाय हांखुर जादों   : मुम्बईआव Covid -19 नि case आ  बांद्राय जालांबाय थानायनि थाखाय lockdown होनाया  दायो नै सप्तानिबो बारा जाबाय। lockdown नि बे गोब्राब समाव गासै fronline workers जेरै - देहाफाहामसालि आरो पुलिस बिफाननि सुबुं, नोगोरनि BMC Workers आरो जायगा साफा खालामग्रा सुबुंफोरा गावनि आयथिं सायाव गसंथिनानै खामानिआव  मुखुब जानानै दं।  बैफोरखौ नोजोर होनानै Bollywood नि दाबांग सलमान खाना गासै frontline workers फोरनो 25 एप्रिल, रबिबार खालार खालि जानाय -लोंनाय आदार रानना होनो आवग़ायबोदों।बिथांआ गासै 5000 packet जानाय आदारनि रानना  होदों। बिथांआ मुम्बाईनि Worli आरो Juhu  होननाय ओनसोलाव आदार रानना होदों।  जेब्ला थांनाय बोसोरावबो Covid -19 नि गोसारथिनि थाखाय  सेथि खेब Lockdown होदोंमोन, बै समावबो Bollywood नि दाबांग सलमान खाना Migrant Workers फोरनो जानाय -लोंनाय रानना होदोंमोन।   आरोबाव मोनसे गोजोन्थाव रादाब...

  शनितपुरआव 53 बोसोर बैसोनि सासे आयजोखौ डायनी सन्देह खालामना बुथारखोमानानै हाग्रायाव एरसोना दोनदों : आसामनिनो सिङाव थानाय सनितपुर ड्रिस्टिकनि 53 बोसोर बैसोनि सासे आयजोखौ दायनी खालामग्रा होनना सन्देह खालामनानै बुथारदों आरो बिनि गोथै देहाखौ हाग्रायाव एरसोखोमानानै दोनदों।  Senior Officials नि बुंनाय बायदियैब्ला, बे गिलु-बालु जाथाया रंगापाड़ा पुलिस स्टेशन ओनसोलनि सिङाव थानाय गेरुवाजुलि गामियाव सनिबारै  हरआव जादोंमोन।   बियो सासे हौवा थैजानाय (रानदि आएजो) मोन आरो बियो  साब्रै गोथ'फोरजोंनो थायोमोन।           पुलिसआ  बुंदोंदि , हरनि 11 P.M रिंगासोआव  बिनि नवाव सोरबा रंजानायनि गेजेरजों राव होफैदोंमोन आरो बिखौ गदा आरो लावथिफोरजों बुसे बुनानै  बुथारदोंमोन।  बिखौ बुथारना हाग्रासिम लाना थांनानै एरसोना दोनहैदोंमोन आरो बे जायगानिफ्राय बुथारग्राफ्रा खारबोफिन्दोंमोन होनना officials आ फोरमायथिदों। 

  धुबुरि ड्रिस्टिकआव लामानि हरखाब जाब्रबथाय जाथायजों सा 2 सुबुंनि जिउ खहा आरो सा 13 सुबुंआ जोखोम जायो : मैया सनिबारनि फुंनि समाव  धुबुरि ड्रिस्टिकनि सिंआव थानाय आगम'नि होननाय दाबसे ओनसोलाव गंसे बास आरो गंसे ट्राकजों सौदाव लायदोंमोन।बेयाव सानै सुबुंआ जिउ गोमादों आरो सा 13 सुबुंआ जोखोम जादों।  पुलिसनि फोरमायनाय बादियैब्ला , जाब्रबथाय जाथाया फुंनि समाव जादोंमोन। जेब्ला हाबानि मानसि रोगानाय गंसे बासआ (Bus, AS -16 AC /0716 ) गोख्रै खरथायाव दंमोन अब्ला बे बासआ लाखिनानै दोनथ'नाय  अन्थायनि बजाय गोनां ट्राक गारि (AS - 01 U /9051) जों सौदाव दोंमोन।          कोक्राझारनि पंकज रय आरो Golakganj ओनसोलनि सिंआव गोग्लैनाय बिसनदोई गामिनि धनजित रयआ जायगायावनो जिउ गोमायो आरो माखासेया जोखोम जायो आरो बिसोरखौ देहाफाहामसालिसिम लांनाय जायो। रिपोर्टनिफ्राय मोन्थिबावनाय बायदिब्ला दायो सा 8 सुबुंआ गाज्रि अब'स्थायाव दं । 

दिनै गोदोनि क्रिकेट गेलेगिरि सचिन तेन्दुलकारनि जोनोम सान :  24 /04 /2021 : दिनै भारतनि गोदोनि  क्रिकेट गेलेगिरि  सचिन तेन्दुलकारनि जोनोम सान। बिथांआ  दिनै 48 बोसोर बैसोआव आगान होबाय। बिथांआ भारतनि क्रिकेट दोलोनि सासे captain मोन।  क्रिकेट बिफानाव बिथांआ जोबोत मुंदांखा।बिथांआ गोदो गेलेनाय समाव गुबुन -गुबुन मुंङै बिमुं मोनदोंमोन। जेरै - Little Master Bluster, God of cricket . बिथांआ गुरै सोद्रोम आखुनि थाखाय बयजोंबो मोजां मोन्जायो।दिनै बिथां गेदेमा क्रिकेट गेलेगिरि सचिन तेन्दुलकारनि जोनोम सानखौ माखासे आरोबाव मुंदांखा गेलेगिरि आरो गुबुन बिफाननि सुबुंफोराबो social media नि गेजेरजों हामग्लाय जासि हरदों।  सचिन तेन्दुलकारा IPL आवबो 2008 season 1 निफ्राय 2011 season 4 सिम Mumbai Idians Team नि captain  सायख' जादोंमोन। बिथांआ IPL निफ्रायबो जिरायथ'बाय ।    सचिन तेन्दुलकारा Mumbai नि सासे batsman . बिथांनि जोनोमा 24 एप्रिल 1973 मायथायाव जोनोम जादोंमोन। 16  बोसोर बैसोआवनो बियो क्रिकेट गेलेनायखौ जागायदोंमोन...

  नगावनि सासे आयजोआ covid -19 जों गाग्लोबजाना जिउ गोमादों : नगाव ड्रिस्टिकनि सिङाव थानाय रान्थालि गामिनि दिप्ति हाज़रिका मुंनि सासे हाबाजानाय आयजोआ हायदराबादनि गंसे  private hospital आव covid -19 जों गाग्लोबजानानै जिउ गोमादों। बिथांआ हायदराबादावनो दोंथ'योमोन । बिथांनि थैनाया हरनि समाव जादोंमोन।   मोनथिनानै मोननाय बायदियैब्ला थैनाय आयजो जों लोगोसे बिनि फिसाय धरमेन्द्र हाज़रिका खौबो सप्ता मोनसे आगोल covid -19 आनजाद नायनाय जादोंमोन आरो बिसोरनि देहानिफ्राय positve मोननाय जादोंमोन। तेलेंगानानि फिजिशियन डॉक्टरआ बिसोरखौ नवाव आलादायै  थानो (आइसोलेशन)बिथोन होदोंमोन। नाथाय आयजोनि  देहानि थासारिया गाज्रिसिन जानायलाय हादराबादनि गंसे प्राइवेट हॉस्पिटल आव हर्खाबोयनो थिसननाय जादोंमोन।  sources फोरा दाबि खालामना बुंदोंदि बिनि फिसाय आरो साथाम गथ'-गथाय quarantine आव थानांनायनि जाहोनाव सोमोन्दो गोनां government authority आ बिनि आद्रा थानाय जिउ गोथै देहाखौ हायदराबादावनो सावनाय जायो। 

असमिया मेथाइ खनगिरि Vitali Das आ जोबथा हां बोबाय - मुंदांखा असमिया मेथाइ आरो बिहू मेथाइ खनगिरि Vitali Das आ 21 एप्रिल, 2021 खालाराव मोनाबिलि 7:05 P.M रिंगायाव Covid-19 जों गाग्लोबजानानै  जोबथा हांं बोबाय। Vitali Das आ गुवाहाटिनि लतासिल फोथाराव बिहु फानसनाव मेथाइ खनखांनायनि उननिफ्रायनो covid-19 जों सनदेरजादोंमोन होनना मिथिनाय जादों। बिथांखौ Covid -19 आनजाद खालामनाय जादोंमोन आरो बिथांनि देहानिफ्राय positive मोननाय जादोंमोन।  गुवाहातिनिनो कालापाहार देहाफाहामसालियाव Vitali खौ थिसननाय जादोंमोन।बिथांनि हालोदा सहायनो हालायै बायदि जादोंमोन आरो ICU आव बिथांखौ लाखिनाय जादोंमोन। नाथाय दुखुनि बाथ्रा बिथांनि जिउआ करूना सनदेरग्रा बेरामनि गाग्लोबनायाव गोमायो। Vitali Das आ 6 जुन दाननि 1979 मायथायाव जोनोम मोनदोंमोन।थैनाय समहालागै बिथांनि बैसोआ 41 बोसोर जाबायमोन।  Vitali Das आ जुबिन गार्गजों लोगोसे 5000 निबो बारा मेथाय खनदोंमोन।बिथांनि गोदै मिलौदो गारांजों रोजाबनाय माखासे एलबाम फोरनि मुंआ जादों-- Jaanmoni, joonbai, Rangdhali, Bogitora Enajoni  आरोबाव गोबां दं।बिथांनि रूंसारि जाना...

 बोथोर  (Season):  बर'फोरा बोथोरखौ गासै मोन्द' बाहागोआव रानदों। बेफोरनो जादों -------- 1. उदां बोथोर (Spring)         मार्च-एप्रिल  2. गोलोम बोथोर (Summer)  मे -जून  3. दैज्लां (Rainy)                 जुलाई - अगस्त  4. दुफां बोथोर (Autumn)     सेप्टेम्बर - अक्टबर  5. मेसें बोथोर (Pre-Winter)   नवेम्बर - डिसेम्बर  6. गोजां बोथोर (Winter)        जानुवारि - फेब्रुवारि  1 . उदां बोथोर(spring): बे बोथोराव मिथिंगाया गोदान महर लायो आरो बिफां-लाइफांफोराव गोदान बिलाइ खिलियो लोगोसे बिबारफोराबो बिबार बारो। बे बोथोराव बांद्राय गोजांनायबो मोना आरो गरमबो मोना। आसामनि थागिबि बर'फोरा  बे बोथोरावनो बैसागु खुंङो। बे बोथोराव खेरमुजा,भिन्डिनि आबाद मावनाय जायो।  2.. गोलोम बोथोर (summer): बे बोथोराव बिदुंआ बारा जायो आरो अखाबो हायो। बे बोथोराव फिथाय - सामथायफोरा गोमोन जाहैयो। बर'फोरा आमथि फोर्बोखौ बे बोथोरावनो  फालियो।...

 Ex- CM Bhumidhar Barman Passes Away 20/04/2021: आसामनि बारग' गाहाय मनथ्रि भूमिधर बर्मनआ रबिबार सानखालि मोनाबिलि समाव गंसे private hospital आव गोबाव समनिफ्रायनो  बेरामाव भुगिना थानायनि जाहोनाव रुंसारि जायो। बिथांआ 91  बोसोर बैसोनि  जागोमोन।                    बर्मनआ आसाम रायजोनि कंग्रेसनि दैदेनगिरिमोन  आरो बियो आसामाव खेबनै गाहाय मनथ्रिनि बिबानखौ लानो होदोंमोन। बिथांआ स्नि खेब MLA जानो होदोंमोन।    1996 मायथायाव जेब्ला हितेस्वार सैकिया आ रुंसारि जादोंमोन अब्ला भूमिधरा 22 एप्रिलनिफ्राय 14 मे सिम गाहाय मनथ्रिनि बिबानखौ मोनदोंमोन। आरोबाव जेब्ला रुंसारि तरुण गोगोईआ जेब्ला मुम्बाईआव heart  surgury खालामनो थांदोंमोन बै समावबो गाहाय बिबानखौ मोदोंमोन। बिथांआ माखासे गोनां-गोनां बिबानफोरखौ लानानै खामानि मावदोंमोन।जेरै - Health ,Education and Ravenue आरोबाव गुबुन - गुबुन।    Mr Sonowal आ बुंदोंदि , "saddened to learn about the demise of former Chief Minister of Ass...

  राजस्थाननि सासे साहसगोनां पुलिसआ 10 फुट गोजौ दालां सानिफ्राय बाज्रुम्नानै गावनि जिउखौ फोथैना लानो नागिरनाय सासे सुबुंखौ रैखा खालामदों : सिताराम चौधुरी होननाय सासे पुलिसआ दैयाव गोदोना थानाय सासे सुबुंखौ रैखा खालामनो आरो बोखांनो नाव फैयैसान्दि 60 -70 फुतसो सानस्रि-सानस्रियैनो गोदोना थानाय सुबुंनिसिम सहैदोंमोन आरो बिखौ गोजाव होनानै लाखिबाय थादोंमोन।     राजस्थान, कोटानि 37 बोसोर बैसोनि पुलिस बिफानाव जिप गारि सालायग्रा पुलिसआ गावनि जिवखौ खैफोदाव खोख्लैनाब्लाबो Chambal दैमानि सायाव थानाय 10 फुट गोजौ दालांसानिफ्राइ बाज्रुमदोंमोन आरो गबना थानाय सुबुंनि जिउखौ रैखा खालामनो हादोंमोन। जिप गारि सालायगिरि सिताराम चौधुरी आरो constable Radheyshyam sankhla या Kunhari Police station आव खामानि मावयो।बिथांमोना थांनाय बुधबार खालि फुंआव Bundhi Road नि market आव duty खालामबाय थादोंमोन। जेब्ला बिसोरनिसिम Chambal दैमायाव बारसोमनायखौ जानबुंआव खौरां हरो अब्ला बिसोर फिननाय हरदोंमोन थाबैनो खम समनि गेजेरावनो सहैदोंमोन।    चौधुरि बिठाना गारिखौ दैमा सेराव ...

  भेरगाव बाबरिघाटनि सासे गथ' गोमानानै दं : उदालगुरि ड्रिस्टिकनि सिङाव थानाय भेरगाव मुहुकमानि थागिबि बाबरिघात गामिनि मुश्रि भुमसोरां दैमारि आरो मुश्रीमा नमिता दैमारिनि  फिसाज्ला सुनिल दैमारिया थांनाय 6 एप्रिलनिफ्राय गोमाना दं।  बियो इउ. एकडेमि भेरगाव,फोरायसालिनी सासे फरायसा। नख'रा बिखौ नायगिरबाय थादोंब्लाबो दासिमबो जेबो गुमुर मोनाखै। सोरबाफोर सुनिल दैमारिखौ बहाबा नुबाबाइब्ला आरो बिनि खौरां मोनोब्ला गाहायाव होनाय थंआव अननानै फोरमाय हर     गामि:- बाबरिघात ,   ला:सो:- भेरगाव ,   थाना: दिमाकुचि,   जिल्ला: अदालगुरि, बि.ति.आर  जानबुं नाम्बार: 8638676045,6002903439  

 Rakhi Sawantआ निखावरि गथ'फोरनो फिथाय-सामथाय रानानै होदों आरो मिनिथावयै मोनसे viral video नि गेजेरजों बोसोन होनायखौ नुनो मोन्दों: MAA KO BOL JYADA BACHA PAIDA NA KAREIN .. .  MUMBAI: फावखुंग्रि Rakhi Sawant आ बयजोंबो मिनिथाव खालामग्रा,bindass attitudeआरो बाथ्रा दानथेलायग्रा होनना सिनाय जायो,बियो बावयैसो सिगां मोनसे video हगारनाया million मोनहैबाय।  समबार खालार खालि जेब्ला Rakhi Sawant आ मुम्बाईआव जानाय लोंनायनि  बाज़ार खालामनो ओंखार लाङो अब्ला बेयाव बियो सानैसो निखावरि गथ'फोरखौ  गावनि सेराव नुदोंमोन।बियो बै गथ'फोरनो गावनि थाखाय बायनाय  आपले ,नारेंखल फिथायफोरखौनो निखावरि गथ'फोरनो रानना होदोंमोन।         Rakhi Sawant आ बिसोरजों रायज्लायदोंमोन आरो बिबायारि दाजा होनना बोसोन होदोंमोन आरो इसे मिनिथाव फाव खालामनायनि गेजेरजों गोथाफोरखौ सोलोंथायखौ आबुं खालामनो थिनदों-"फोरायसालियाव थां आरो बिबायारि दाजा। आयखौ बुं आरोबाव गथ' दाखां।"   Rakhi Sawant नि 1:45 नि video आ बॉलीवुडनि photographer Viral Bhayani जों pos...

 Enthusiastic Bihu shoppers throning markets, fairs: बैसागुआ आसामनि  मोनसे देरसिन आरो साबसिन रंजाथाय फोर्बो आरो गोदान बोसोरनि जागायनाय दान जाबाय जेब्ला  नोगोरनि लामाया हाथाय खालामनो फैनाय सुबुंफोरजों  बुंफबजोबदों।  गोदान बोसोरनि मुंआव माहारियारिनि गानाय -जोमनाय जिरादफोरखौ बायनो थाखाय गोबां बायग्राफोरा बाजार,मेलायाव थुबुर आरो लामाया आबुं जादों। सोरबाया बेसेन गोसानि सोरबाया खम बेसेन्नि गाननाय-जोमनाय फोरखौ बायदों,नाथाय खायफाया बेसेन गोसा होनना गिदिं फिनलांदों। गथ'निफ्राय लानानै गासै गोजौ बोइसोसिम बायग्राफोरखौ नुनो मोन्नाय जादों आरो गुबुन-गुबुन रोखोनि गाननाय-जोमनायफोरखौ बायग्राफोरा बिनायखौ नुनो मोनदों। बैसागुनि थाखाय बायदि रोखोमनि गाननायफोरखौ Discount आरो Offer बो होनाय जादों।  गुबुन-गुबुन ओन्सोलनि जायगाफ्राव Self Help Group फोरा बैसागुनि थाखाय हाथाय,मेला बानायदों। बेयाव माखासे रोखोमनि Readymade फिथा आरो जोमग्राफोरखौ फानदों। लोगोसे मायब्रा मायरं,जोसा मायरं,गायखेर,सिराफोरखौबो फानदों।  थांनाय सोमबार खालि पेकेट मोनफायाव फिथाखौ 50 -60 रांआव फानद...

तिनसुकिया द्रिस्टिकआव सिखावै लांखोमानाय मानै मैदेर मोनादों। दुमदुमा ,एप्रिल 12 : तिनसुकिया द्रिस्टिकआव समबारखालि सोरांसुसि समाव Makum police station नि हराव नेग्रा आरो खामानि मावग्रा पुलिसफोरा मानै मैदेर मोनादों।                                                                                   पुलिसनि सुलुंनिफ्राय मोनथिनाय बायदिब्ला, फिसिजानाय मानै मैदेरखौ बेरेखा नेमै जेबो रोखा फोरमान बिलाय गैयाजासे गंसे पानजाब बोडी ट्राकजों (BR 01 GH -0435) अरुणाचल प्रदेशनि नामसाई द्रिस्टिकनिफ्राय odhisa सिम रोगागासिनो दंमोन।     पुलिसआ ट्राकजों लोगोसे मैदेरखौ दुमदुमायाव मोनादों आरो forest departmentआ बिखौ नायबिजिरसंनो आखायाव लाबाय।   

  Assam: 3 devotees at Kamakhaya temple test positive for Covid-19 कामाख्या थानसालियाव कोविद -19 आनजाद खालामनायाव साथाम धोरोमसुलाया positive ओंखारदों  12/04/2021: गुवाहाटी नोगोराव थानाय कामाख्या थानसालियाव साथाम धोरोमसुला सुबुंनिफ्राय आनजाद नायनायाव  positive covid-19 मोननाय जादों।  "थानसालि सामलायग्रा आफादनि सासे सोद्रोमाया बुंदोंदि, साथाम धोरोम सिबियारिफोरा शनिबार खालाराव  कामाख्या थानसालियाव इसोरखौ सिबिनो फैदोंमोन आरो बिसोरखौ आनजाद नायनायाव positive कोविद -19 मोनदों। " Sources आ दायो साथामखौबो नोगोरनि मोनसे जोथोन लाग्रा कोविद सेन्टारआव थिसननाय जाबाय होन्ना बुंदों।  कामाख्या थानसालिया गुवाहातिनि गोजौ निलासल हाजोनि सायाव दं जायखौ थांनाय बोसोरनि lockdown कोविद -19 नि थाखाय द' दान बन्द' लाखिनायनि उनाव अक्ट'बरनिफ्राय दोरखं खुलिना होनाय जादोंमोन।  सनिबार खालि, आसामआव गासै 405 गोदान बेरामि आरो सानै थैनायनि report मोननाय जादोंमोन। State आ सुक्रुबार खालाराव 281 case नि report होदोंमोन।           The death toll rose to ...

  Assam: illegal adhaar card racket busted in Dibrugarh, 3 detained: अनेमै आधार कार्ड बानायनानै रां आर्जिनायनि थाखाय  डिब्रूगढ़ाव साथाम  सुबुंआ ग्रिप्टार खालाम जायो    12/04/2021:  डिब्रूगढ़ पुलिसआ आसाम डिब्रूगढ़निनो पोल्टान बाज़ार होन्नाय दाबसे अीनसोलनि मोनसे आधार कार्ड सेन्टारखौ अनेमै सालायनानै रां आर्जिबाय थानायनि थाखाय आधार सेन्टारजों सोमोन्दो थानाय साथाम सुबुंखौ रबिबार खालाराव ग्रिप्टार खालामो।   हमजानाय साथाम सुबुंफोरनि मुंफोरखौ Dipen Deoly (29 बोसोर), Bitupan (27 बोसोर ) आरो Aibi Deori (30 बोसोर होननानै सिनायनाय जादों। बिथांमोनखौ लखिमपुरनि होनना मिथिनाय जादों।   डिब्रूगढ़ पुलिस स्टेशननि officer Rajiv Saikia बिथांआ बुंदों, "जों पोल्टन बाजार ओनसोलनि आधार कार्ड सेन्टारनि अनेमै खामानि मावबाय थानायखौ खौरां मोनदोंमोन।"  "बे दायाव साथाम सुबुंखौ हमनायनि अनगायैबो  आरोबाव साथाम सुबुंफोरखौ हमबावनाय जागोन होन्ना officer आ बुंदों।    Saikia बिथांङा मोनथि होदोंदि हमजानाय साथाम सुबुंफोरनाव desktop ,laptop,...

रंजालि बैसागु बैसागुआ आसामनि बर'फोरनि मोनसे मुंदांखासिन  माहारियारि फोर्बो। असमिया सुबुंफोरा बैसागुखौनो  बहाग होननानै बुङो।बैसागुनि ओंथियानो जादों गोदानै जागायजेनाइ बोसोर गोदान। बैसागु बोथोरा   Assamese Year आरो Bengali Year नि गिबि जागायजेननाय दान।  बैसागुनि ओंथिखौ सरासनस्रायै दासिमबो रोखायै  बुंनो हायाखै। The Bwisagw festival is observed  by bodo folk society since immemorial time . जदिअ बैसागुआ रोखा ओंथि गैया अब्लाबो गुबुन -गुबुन बर'फोरनि सान्थौगिरिफ्रा बैसागुनि ओंथिखौ गुबुन-गुबुनै सान्दांथि होनानै बुंदों।   कामिनि  नारजारिनि बायदिब्ला, बैसागुआ मोनसे बर' सोदोब बिहा गुदि  सोदोब दङो।''बैसा''नि ओंथिया जादों ''बोसोर एबा बैसो'' आरो  "आगु "नि ओंथियानो जादों "जागायनाय" । थाम्हिनबा बैसा+आगु - बैसागु ,बोसोरनि जागायजेनाय सम।" According to  Mangalsing Hazoary, "Bwisagw means bwswrni agu  bwisagw means front of the year ".      बैसागो बोथोरा दुफां ...

 Sports organizer Passes Away:  GUWHATI, APRIL 8 :  आसाम भलिबल एसोसिएशननि सासे रोंगौथि गोनां Sports  Organizer  Dr. Chatiana Prasad Saikia आ गुवाहाटियाव 7 खालार हराव जोबथा हां बोबाय। बिथाङा 68 बोसोर बैसोनिमोन। Saikia बिथांखौ जेरबा बाहागोआ  गाग्लोबनायनि जाहोनाव नोगोरनि nursing home आव थाबैनो थिसन्नाय जादोंमोन नाथाय हां गोमायो। भलिबलखौ थै सानग्रा, भलिबलआव मेंनो रोङै  Saikia आ गुवाहाटी स्पोर्ट्स एसोसिएशन आरो स्टेटनि गुबुन-गुबुन हानजाफोराव सिनायथि आरो हाजिर जादोंमोन थिग बेबायदिनो गुवाहाटी स्पोर्ट्स एसोसिएशननिबो सासे member जादोंमोन। बियो आसाम भलिबल एसोसिएशन नि सासे गाहाय नेहाथारि महरै सायख' ज़ादोंमोन।   आसाम स्पोर्टस  एसोसिएशन आरो आसाम ओलिंपिक एसोसिएशना सासे रोंगौथि गोनां स्पोर्टस  organizer थैनायनि सायाव दुखु फोरमायथिदों।   

  सोनू  सूदआ कोविद -19 नि थाखै थिका (vaccine) लादों : खैफोदनि समाव बयखौबो  हेफाजाब होग्रा बॉलीवुडनि फावखुंगुर सोनू सूदआ  बुधबार सानखालि पानजाबनि अमृतसर देहा फाहामसालियाव  थिका लायो। सुबुंफोरखौ थिका लाहोयाव गोसो दुंहोनो आरो सांग्रांथिखौ बांहोनो थाखाय थिकाखौ लाना बानायनाय  "Sanjeevani  A  shoot of life " खौ सोनू सूदआ जागायो।  सोनू सूदा बुंदोंदि, "आं सालायनायखौ जुरिजेन्नो सानदोंमोन, मानोना सुबुंफोरनि गेजेराव सांग्रांथि लाबोनायखौ आं गोनांथि होन्ना सानो, दासिमबो खायफाया थिकाखौ लानांगौना लानाङा ेसानगासिनो दं। नखराव जायफोरा थिका लाथाव बैसोनि सुबुं दं बैसारखो थिका लानो नारसिनथाय होनांगौ।" बिथाङा बुंदों, पानजाबनि अनगा गुबुन ड्रिस्टिक आरो गामिफोरावबो थिकाखौ लाना सांग्रांथि जानायखौ नुनो मोनाखै अदेबानि थिकाखौ लाब्ला मोजां जागोनना लायाब्ला मोजां जागोन गोबां सानाय सोमजिदों।बेखायनो आं गासैनिबो मेगन सिगाङाव थिकाखौ लानानै दिन्थिनो सानदों आरो सानफ्लेबाय थाग्रा सुबुंफोरनिसिम मिथिसार होनो सानदों।जों गोबां केम्पफोर बानायगोन।बेयो मोनसे रोखोमनि ...

 बैसागु नै सफैलायबाय सफैलायबाय, बैसागु बोथोराबो सफैलायबाय, दाउ खौवौआबो खोवौ खोवौ गाबफैलायबाय , खाम-सिफुं, जथा सेरजानि देंखोआबो रिंखांलायबाय, आंनि गोसोआबो सेंग्रा-सिख्ला,बोराय-बुरैफोरजों मोसाफानो बोदोरजाबाय। बारदै सिख्लायाबो हनै हायलालाय हुइलालाय मोसाफैलायबाय, बिफांनि दालाइ बिलाइफ्राबो मोसाफानो हमबाय, दंफां-लाइफांनि दालायाव बिलाय खिलिनो हमबाय , मिथिंगा बिखायाबो सोमखोर महर लाबाय , आय' बेसे समायना बैसागु बोथोरा।।

 Preposition( महरथि) Preposition नि रोखोमफोरखौ गाहायाव होनाय जाबाय- 1. Simple preposition - at, by, for, from, in, of, off, on, out, through,till, to,up,with etc. 2. Compound preposition - about, above, below,across,along, among,around,before,behind, besides, between, inside, outside, within,without etc. 3. Phrase preposition -  because of,in order to, in liew of, according to, in case of, on account of, with regard to etc. Preposition खौ जों माबोरै बाहायो- 1. At  नि बाहायनाय- फिसा फेनला जायगा ,गामि,नोगोर फोरनि आगोल at बाहायनाय जायो।जेरै- She met us at agra in U.P Mina lives at bhergaon . At खौ समनि बेलायाव बाहायनाय जायो।जेरै- He came here at 8 O'clock. He will start his work at 5 O'clock . 2. In नि बाहायनाय- In खौ हादोरनि मुं, रायजोनि मुं आरो गिदिर  सहरफोरनि मुंनि आगोल फजनाय जायो।जेरै- Kaanay lives in kerela. I live in delhi. Jaya has been living in kolkta for five years. In खौ दानफोरनि मुंनि आगोल बाहायनाय जायो।जेरै-  He will come in july. I was born in April ....

 Protest on over MBBS  student's death in Manipur मनिपुरआव MBBS फरायसा थैनायनि अजद दैखांदों: सानजाहा इमफाल द्रिस्तिकनि सिंआव थानाय खुराइ लामलं बाजारआव थांनाय 3 एप्रिल थामहिनबा सनिबार खालि MBBS फरायसा सासे थैनायनि सायाव protest खालामनाय जालागो। Sanaton Athokpam(22) आ 5 semester आव फरायनाय MBBS नि सासे फरायसामोन।Regional Institute of Medical Science कलेजनि हसतेलनि सिंआवनो बिखौ 15 मार्चाव दौलें  नांना थानाय महराव नुदोंमोन। सानजा इमफाल द्रिस्तिकनि सिंआव थानाय खुराय ओनसोलनि नखरनि सोद्रोमा,बाय बाहागि,ओनसोलनि रायजो राजाफोर गासैबो murder case सनदेह खालामनायनि गेजेरजों बायदि रोखोमनि महराव राइजो सोरखारनिफ्राय फोरमान आरो फिननाय मोननो थाखाय protest खालामदों। ओनसोलनि रोजा रोजा सुबुंफ्रा बै सानाव बाजार ओनसोलाव थुबुर जाफैदोंमोन आरो demonstration (सोंनाय फिननाय,रायज्लायनाय) बो खालामदोंमोन।बै समाव बाजारनि गला बनद' जानो आरो फालांगियारिफोराबो खमायलानो हमदोंमोन।

 Dry days in Kamrup (M) dristic          City correspondent कामरूप मेत्रपलिसम द्रिस्तिकाव 6 एप्रिलाव जानो गोनां  थामथि आरो जोबथा खोलोबनि बिसायखथिखौ नोजोर होनानै " dry day " (जौ फेग्रा मुवा फाननो मोनै) फालिनो बिथोन होदों। Dry Day खौ 4 एप्रिलनि 6 रिंगा मोनाबिलिनिफ्राय 6 एप्रिलनि  6 रिंगासिम  फालिनो बिथोन होदों।     बैफोर फालिनो होनाय समाव, जौ फाननाय,जौ रानथिंलाबायनाय गासैबो माना दं।गासैबो जौ फायखारि होग्रा गला,जौ दिहुनग्रा सालि, फिसा फिनला जौ गला गासैबो जौ फाननाय एबा गला खुलिनायनि माना दं।लोगोसे हतेल आरो क्लबफोरावबो (club) फेग्रा हारिनि मुवा बेसाद फाननायनि माना दं होनना बुंदों। बैफोर सानफ्राव जौ गला खुलियोब्ला आरो जौ फेग्रा मुवा बेसाद फानोब्ला सोरखारा आयेननि राहा लागोन होननाबो फोसावदों।

साख्रिनि रादाब Gyan Vigyan Academy (A senior secondary school) डिब्रगर-1 डिब्रगरनि Gyan Vigyan Academy आव गासै 10 था फोरोंगिरिनि मासि लादां जानानै दं। जेराव खालि जाना दं बेफोरखौ गाहायाव रोखायै मुंख'दों- 1.English- 2 posts Minimum qualification :B.A (major in English) 2.Science - 2 post  Minimum qualification: B.Sc 3.Mathematics: 1 post Minimum qualification : B.sc (major in mathematics). 4.Gography: 1 post Minimum qualification qualification : M.A in Geography . 5.Economics: 1 post Minimum qualification: M.A in economics  6.Assamamese: 1 post Minimum qualification : M.A in Assamamese  7.Hindi: 1 post Minimum qualification: Graduate with Hindi or equivalent  8.Computer science: 1 post  Minimum qualification : BCA गोसो गुदुं गोनां बिजाथिफोरखौ गासै certificate फोरखौ जमा होनो खावलायबाय आरो interview लानाय समाव original certificate फोरखौ दिन्थिनो नांगोन। Interview नि अक्ट: 11 एप्रिल ,2021 सम: 9.30 a.m onwards. जायगा: Gyan Vigyan Academy  P.N road, Dibrugarh.

  Article नि बाहायनाय : Article खौ सरासनस्रायै मोनथाम बाहागोआव मोननो हायो।जेरै-a,an आरो the article.    A article नि बाहायनाय.. 1.सोदोबनि गिबि हांखोआ consonant जायोब्ला a article फजनाय जायो। जेरै-         a. This is a cat .          b. That is a dog            C. This is a pen                 d. Give me a pencil      e. It is a pen. etc  2.सोदोबनि गिबि हांखोआ vowel a जायोब्ला आरो बिनि रिंसारथिया "वा" जायोब्ला a article फजनाय जायो।      जेरै- a one rupee note,        a one lame man . a one eyed man .  3. सोदोबनि गिबि हांखोआ vowel जायोब्ला  जाब्ला आरो बिनि रिंसारथिया इउ जायोब्ला a article फजनाय जायो।जेरै--    a University.,  a  union body,   a  European , a union body etc  an article नि बाहायनाय ---- 2. An नि बाहायनाय-- सोदोबनि गिबि हांखोआ v...

 Amit Shaha On Myanmar Crisis: भारता जानाय आदार आरो मुलैनि राहा खालामना होनो हागोन नाथाय बेरेखायै गुबुन हादोराव हाबफैना थानायाव  थुंलुंगा होनो हानाय  नङा       3 एप्रिल:  मिरु सोरखार नखर मनथ्रि अमित शाहआ थांनाय सुक्रुबारआव बुंङोदि, भारत सोरखारा म्यानमारनि सुबुंफोरनो जानाय आदार आरो देहायारि सावस्रिनि आइजें आयला गासैखौबो   दैथाय हरनो थाखाय थाख थियारि जाबाय।  नाथाय आयेननि बेरेखायै गुबुन हादोरआव स्रोदै हाबफैना थानायाव थुलुंगा होनाय जानाय नंङा। म्यानमारनि अलखदआव गोग्लैनाय हालोदनि सोमोन्दै India Today TV आव मोगा-मोगि लानायनि गेजेरजों अमित शाहआ गासै खोथाफोरखौ बुंथिनानै होजोबो।   अमित  शाह बिथांआ बुंदों, "जों गासैखौबो हेफाजाब होनो नागिरदों।जुदि बिसोर (people of  myanmar) जानाय आदार आरो देहायारि सावस्रिनि गासै आइजें आयलाफोरनि राहा नायगिरो अब्ला भारत सोरकारा मोनसे कैम्प गायसनगोन आरो बिसोरखौ हेफाजाब होगोन। नाथाय म्यानमारनिफ्राय बेरेखायै भारताव हाबफैनायाव हेफाजाब होनो हा...

 BPF हान्जानि दैदेनगिरि हाग्रामा महिलारिखौ सनदेहजों सिगिबाय थानाय खोथाया उनसंजानो होमदों   भारतनि Election Commisson आ  BJP नि दैदेनगिरि डॉ. हिमन्त बिस्व शर्मा  निसिम BPF नि दैदेनगिरि हाग्रामा महिलारिखौ फोरमान गैयाजासे सिगिनाय, BPF हांजाजों सोमोन्दो थानाय कंग्रेसनि Chairman खौ  सिगिनाय, National  investigation नि नायबिजिरनायजों जैल आव जोबजागोन होननाय खोथाफोरनि हेंथायै गांसे फोसावलाय होदों।       डॉ. हिमन्त बिस्व सर्मा खौ 2 एप्रिल सक्रुबारनि 5 बाजियाव बिथांनि बुंनाय बाथ्राफोरखौ  फ़िन्नाय होनो थाखाय बिथोन होदों। Commission आ बुंदोंदि फोरमान बायदिब्ला शर्मा बिथांआसो Model Code Of Conduct आयेनखौ सिफायनाय जादों।          सिगिनाय खोथा बुंनाय, कांग्रेसनि बिजाथिफोरनो Vote होग्रा सुबुं लोगोसे हाग्रामा महिलारी नि हान्जायाव Vote होग्रा सुबुं फोरनि फारसे बेरेखायै  बुंनाय खोथाफोरखौ  अजद होनो  कंग्रेसा 30 मार्चआव हाबाखौ मावफुंनो आखायाव लायो। राजखान्थि हा...

 April 2021 आव बैंक बन्द' थागोन  Full list of days bank will remained closed this month  2 April: Private आरो Public बैंकफ्रा  एप्रिल दानाव 15 सान बन्द' थागोन। बन्द' साननि  फारिलायाव नैथि आरो ब्रैथि सनिबारखौबो सोफादेरनाय जादों। Reserve Bank नि मिथिसार होनाय बायदिब्ला एप्रिल दानाव बायदि रोखोमनि फोर्बो फालिथाय थानायनि थाखायनो माखासे बन्द'फोरखौ लाखिनाय जादों। बेफोरनो जादों - राम नवमी, गुड फ्राइडे,रंगजालि बैसागु , बाबु जगजीवननि जोनोमसान, न्यू तामिल इयर बायदि बायदि।  2021 मायथायनि एप्रिल दानाव होनाय गासै बन्द'फोरनि मोनसे आबुं फारिलाइ होनाय जादों - 1 एप्रिल : To enable Bank to close their yearly accounts  2 एप्रिल: गुड फ्राइडे  5 एप्रिल: बाबु जगजीवननि जोनोम सान।  6 एप्रिल: Generral elections to Tamil Nadu legislative assembly 2021  13 एप्रिल: Gaudhi Padwa/Telegu New Year Day/Ugadi Festival/Sajibu Nongmapanda (Cheiraoba)/1st Nvaratra /Baiskhi . 14 एप्रिल :Dr. BabaSaheb Ambedkar Jayanti /Tamil New Year's Day /Ugadi Festival /...