blogging master

  सुजुगिरिनि फंनैसो                                                                                                                     बुहुमनि जायखिजाया गेलेनायानो बबेबा मोनसे नङा मोनसे थागिबि हारिनि गुदि एबा थावनियारि गेलेमु। बैसोर हारिया  गावसोरनि बैफोर गेलेनायफोरखौ गोबां बोसोर फोसाब फोसाब बुहुमनि दाब दाब हादोरफोराव फोसावनानै अनसायनाय मोन्नानै दिनैनि बे थाखोसिम दोनफैनो हादों। फुटबल,क्रिकेट,बक्सिं , टाई-कवान डु, कुंफु, पेन साकसिलेट,जुडो,काराते,रेसलिं आरो गोबां गेलेनाया दिनै बुहुमनाङैनो साग्लोबसारना दं। नाथाय मोनसे बाथ्राया रोखादि बैफोर मोनफ्रोम गेलेनायानो सोरबा हारिनि गोदान फोसाबथाय गोनां थावनियारि गेलेमु। फारसेथिं जोंनि बर' माहारियाबो गोबां गुदि गेलेमु दंसोगारो। दानि दि...

 : आंहा गायखांबाय। थौदो थांदिनि - गोदोनि खोथा गोसो खांबाय थानाय समाव खाथियाव फैनानै दाबारिया न'आव थांनो लिंबाय।       बिसि लिंनायावसो सम थांनायखौ हमनो हाबाय। अख्रांआव नायदावबाय। नुबाय, माब्लाबानो सानजौफु जाबाय। थाब गायखांगोन साननानै ओंखाम-ओंख्रि संनानै गारबोआखै। नाथाय गाव गायफैलाय फोजोबनो सम नांबाय। हंलाया सानबाय ओंखाम उखैनानै गथ'फोरा दाहा लागै आयखां-बायखां जाबाय।                     थाङै थाङै बिसोर न' खाथि मोनबाय।  नुबाय दहाय फुंङाव खारबोनाय गारिया बिनि दरखं मोखाङाव दं। लांथिया-बाथिया बिनि फिसाफोरा गिदिं गिदिं गारि नायगासिनो दं। खामसालियाव नुबाय बैसो जानाय हौवा-हिन्जाव सानैया खामफ्लाइयाव जिरायनानै दं। नुनानै सोर जाखो सानबाय।  : आबालै, गुवाहाटीनि आबै-आबौ फैदों। -खारबोनानै खिन्थाबाय फिसाज्ला देरसिना।      दिउ दिउ रागा जोंबाय हंलाया नाथाय रागा हमथानानै सिरि थाबाय। उनाव बिबथैनि खाथियाव थांबाय।  : गायखांबाय हंला ? -बिबथैया सोंबाय।  : गायखांङाखै आदै।  नोंनि हाखौ ग़ायबावनो दं...

दसे उनाव जीफ गारि गंसे फैबाय।  हंलाया नुबाय गारि सिङाव बिबथैजों लोगोसे हिन्जाव गोदान आरो सिख्ला सानै। बिबथैआ गोदान गस्ला गान्दों। हिन्जाव गोदानाबो जोंखोल-माखोल सि गान्दों। बिफाया जेरै बुंदों हिन्जाव गोदाननि मोखांङा थारैनो साहेबबादि गुफुर।     जीफ गारि दोम थानाय लोगो लोगो बिबौ-बिबैया खाथियाव थांबाय। बैसो जानाय गामिनि मानसियाबो खाथियाव थांबाय। सेंग्रा-सिख्ला,गथ'-गथाय बयबो सांग्रां जाबाय।      हंलाया नुबाय गारिनिफ्राय ओंखारनानै हिन्जाव गोदान आरो बिबथैआ बिबै-बिबौखौ खुलुमबाय। गामिनि बैसो जानाय मानसिखौबो खुलुमबाय। बे समावनो बिफा बुंनाय खोथाखौ गोसो खांबाय। बिखायनो हिन्जाव गोदाननि खाथियाव हंलाया थांबाय आरो खुलुमनो गंबाय। नाथाय गुंग्राय गलायनाय लांथिया-बाथिया गथ' नुनानै फिसायनि खाथियाव दावथ्रोदलांबाय।  : गुंग्राय मिलौलौ सोर गथ' बिलाय ? - बिबथैया सोंबाय ? : आंनि गथ'। नोंनि बियादय फिसा - हंलानि बिफाया फिन होबाय।  :मान गैया, सनमान गैया, गुंग्राइ मिलौलौ मानो फैहोखो ? जांग्लि काहिका।  बिदि बुंनानै हंलाखौ थाव सोबाबाय। उनाव होखार हरबाय। ०००  

 जानुवारि दानलाय बोथोरा गुसु। गोजांनालाय खायफाबाया सि जोमदों। गुबुन खायफाबाया सि साखादों। उन्दै उन्दै गथ'फोरा खारदलाबायदों। हंलायाबो बोसोरजों खारफादों। पेन्ट गैयैलाय जेबो गानाखै। लंदां दां दं। गगा मोननायलाय गन्थंनिफ्राय ल' ल' ला ला गुंग्राय गदों।   

हंलाया नुबाय गामिनि सेंग्रा माखासेया ज' जानानै फुङाव बिबौनि  न' मोखाङाव थालिद बिफां गायदों। उनाव गोमो-गोथां लेखा सिथाबदों। सिख्ला माखासेया मिनिबाला मिनिबाला थांलाय फैलाय खालामदों। गामिनि बोराइ  माखासेया गोबारै गोबारै रायज्लायदों।  : आबालै, मानो बिदि खालामदों ? - सोंबाय हंलाया।  : आदैनि हिन्जाव गोदान फैगोन बुर्बक - फिन होबाय बिफाया।  : नायनो माबादि आबा ? : साहेबबादि गुफुर।  : नों नुबायआबा ? :नुवाखै। लेखा गोरों मानसिया साहेबबादि गुफुर हिन्जावखौसो हाबा खालामो। आदै-मादै सौफैब्ला आथिं दांनानै खुलुम।  : लेखा फरायनानै आंबो साहेबबादि गुफुर हिन्जाव लानो आबा।  बेलासे सम।   गामिनि मानसिया हिन्जाव गोदान नायनो फालो फालो फैदों। खाथि-खाला गामि जेरै बल्लिमारि, रिसोमगुरि आरो फाख्रिगुरिनिफ्रायबो मानसि फैदों। फैनाय मानसिनो बोथिसे जाहोनो लाहार-फाहार खालामदों। बिखायनो, संनाया संदों , खावनाया खावदों।  बिबान मोननाय मानसिया जाय फाराफारि मावदों।    

 सेंग्रा देरब्ला हंलाया दाबारिजों जुलि जाबाय।  न'आव खामानि मावनो मानसि  नांगौलाय बिफाया जुलि लाहोदों। दा फिसा साबानि बिफा। उन्दैसिन फिसाया  बोसोरनै जाबाय। मा खालामनो !मालाबा सानब्लाबो आनान गसाइया बोसोरनै  उन उन फिसा हरबाय। आं फिसा मोनबावब्लादि मा जागोन। बोरै फेदेरबावगोन। आथिखालाव साननायखौनो बाद होबाय।  ० ० ०  : इसि गोबाव मानो सोबबाय थाखो ? - सोंहरबाय बिसि दाबारिया।  खोनानानै नंगुबै मुलुगआव फैफिनबाय हंलाया। उनाव सोबखोन्दा बिरिखौ गारहरनानै थाबावनाय बिरि आरो सलाइखौ जान्जियाव थेबनानै लाबाय बिनि उनाव हालिउबाय।       

  बिबौहा सास्नि फिसा हौवा आरो सासे फिसा हिन्जाव। हंलानि बिफाया थामथि  फिसाज्ला। थांनाय बोसोर रुंसारि जाबाय। गिबि फिसाज्ला साथामखौ गुदि फरायसालिसिम फोरोंदोंमोन। उनाव हाबा होनानै गुबुन जाहोदों।नाथाय हा थासान्दियावबो थाजासे होआबालाय गावनि हाखौसो आदि मावहोदों। ब्रैथि, बाथि आरो स्निथि फिसाज्लाया गेजेर गेजेर फरायसालिसिम फरायदों। दथि फिसाज्लाया फरायनायाब गाहाम। बिखायनो सापटग्राम एमालगेमेटेड स्कुलाव गोजौ फरायसालि फोरोंदों। पि.इउ. आरो बि.ए.-खौ कटन कलेजाव फोरोंदोंमोन। उनाव बि.टि. डिग्रिबो लादों। बिनि उनाव आसाम सरकारनि सोलोंथाइ बिफानाव साख्रि मावदों। बिनो हंलानि दथि बिबथैनि सिनायथि।         बिबथैबादि हंलायाबो फरायनायाव गाहाममोन। गुदि फरायसालियाव फरायनाय समाव बोसोरफ्रोमबो सेथि जायगा लानानै थाखोनि आनजाद उथ्रिनायमोन। नाथाय न'आव खामानि मावनो मानसि नांगौ होननानै बिफाया गोजौ फरायसालियाव फरायहोआखै।  बिदिनो हालुवा जानांदों।   

 : गोसो गाज्रि मोन्दों।  :मानो? : गारि नुनानै।  :मेगन सादों ? :सायाखै।  : माथो जादों ? : खर' दुंहाव मोन्दों।     बिसि-फिसायनि गेजेराव दसे बाथ्रा दान्थेलायो। उनाव सानैबो सिरि थायो।   बिसोर मिथिगौ -बाथ्रा दान्थेलायनानै मुलाम्फा गैया।गोसोसो गाज्रि जायो।  : बाद हो  गोदोनि खोथा। जानानै थांनाय जाथाइखौ गोसोखांनानै मुलाम्फा गैया -दाबारिया बुंबाय।  थिननायलाय दाबारिया आलिनिफ्राय  बिरि-सलाय लायबाय। उनाव फिसाइनो होनानै माइ गायफिनबाय।  दसे उनाव हंलाया बिरि सोबबाय। बिदि सोबनाय समाव बिनि गोसोआव गोदानि खोथा मोनफा मोनफा गोजाव फैबाय।    

   बिबथैनि खोथा गोसोखांनाय लोगो लोगोनो बिनि गोसोआ ब्रैजि बोसोर सिगां थांबाय। ब्रैजि बोसोर सिगां बिबथैखौ लोगो मोन्दों। बै समनिफ्राय बिबथैया गामियाव फ़ैयाखै। आसामनि गुबुन गुबुन जायगायाव साख्रि मावदों। दा गुवाहाटियाव न' लुनानै थाबाय। बिबथैनि  साख्रिया दंबावो ना गैलिया हंलाया मिथिया। मिथिनोबो नाजायाखै। मिथिनानै मुलाम्फा गैया।       गोदोनि खोथा बावनो नाजाबाय हंलाया बिबथैनि खोथा गोसोखांब्लानो खर' दुंहाव मोनो। दिउ दिउ रागाबो जोङो। उन्दै समाव थाव सोबाजानायखौ दाबो बावाखै। बावनोबो हानाय नङा। गोदोनि खोथा गोसोखांब्ला गोदना सथ्थेनानै फोथैनो गोसो जायो।  : बिरि-सलाइ लाबो - आलियाव दोननाय बिरि - सलाइखौ बिसिनाव बिहरबाय हंलाया।  :अबथिरा मानो सोबनो नागिरखो ? - सोंबाय बिसि दाबारिया।   :      

    दैखरगुरि गामि। गय-फाथैजों बुंफबनाय गोम गोम बर गामि।  गसाइगावनि बा माइल गोजान। फाख्रिगुरि गामि जानानै दुब्लि गेजेर गेजेर थांनांगौ। गेजेराव सावतालपारा। गोदोसोनानै थानाय गामिलाय गाहाम लामा गैया। बैसागुनि सिगां सिगां एसेम्ब्लीनि बिसायख'थि जादों। बिसायख'थि समाव दैखरगुरि जानानै गिबि मन्थ्रिया सरायबिल बाजाराव मिटिं गानो थांदों। बिखायनो लामा एसे फोसाबदों। बिनि सिगां लामा गाज्रिथारमोन।       हाखर-हाला लामाजों लुंहे लुंहा गारि खारलांनाय नुनानै दुब्लियाव खामानि मावनाय मानसिफोरबो नायबाय। लामा जिं जिं लफायनाय गथ'फोरा सिङाव सोर दं नायनो उन उन खारफाबाय। नाथाय गारिनि ग्लासाव गोसोम प्लास्टिक सिथाबनायलाय नुवाखिसै। खारफानाय समाव हाब्रुसो बेरसादजाबाय।     गाङे-गुङे जानानै थांनाय गारिखौ दसे नायनानै हंलाया हालिउफिनबाय। नायबाय थानो बिहा सम गैया। दिनै थाम दब्लाइ फोमोननांगौ। गाबोननिफ्राय बिबथैनि हाखौ हालिउनांगौ।    

  गुंग्राय मिलौ                           बिद्यासागर नार्जारी  आगस्ट दान। माइ गायनाय सम।  हंलाया दुब्लियाव हालिउगासिनो दं। गामिनि मानसियाबो हालिउदों। फ्रि फ्रि अखा हानायलाय खफ्रि हमदों। हंलायाबो खफ्रि हमदों। आख'-फाख'लाय हिनजावफोरा हमाखै। अखा सिजा सिजा माइ गायदों। बोथोर थानाय समाव गायनाय-फुनाय फोजोबनो नाजादों।  गाव हालिनाय खाथिजों गारि खारलांनाय नुनानै सोर फैदों सानबाय। गामाखालि फैफेरा, दिनै मानो फैखो ? जोंखोल-माखोल गारियाव हाब्रु नांनाय नुनानै गोसो गाज्रि मोनबाय। नाथाय मा खालामनो! गामि गोथौनि लामा !टाउन बादि गाहाम लामा गैया। हाजों खोनायलाय दैलां बोथोर समाव गाज्रि जायो। हाब्रुजों बुंफबो। 

बर' बिमानि मेगन मोदै  सिरि मोन्दों हे बर' फिसाफोर  खोसेयै खाफ़्रादो जानजि दावगा लांदो  बोस्रां लांदो बर' हारिनि जेंना  जेंसिखौ।        बर' बिमानि मेगन मोदै       खोसेयै आय' फिसाफोर        फोरजा गैयाब्ला राजा जानो हाया        हारसिंनि बोलोजों राजाया जुजिहाया। बर' बिमानि मेगन मोदै गादब दाजा नासाइ दाजा देरहानाया

 "बर' बिमानि मेगन मोदै"                                                           मुस्रि रमेन बर' बर' बिमानि मेगन मोदै  सोर मोन्थिगौ नोंनि गाबनाय बिमा  नोंनि मोदैनि दाहाया मा? रावबो मिथिया आय' बिमा।            बर' बिमानि मेगन मोदै            नोंनि थायनै मेगननि मोदै बिमा            जिरि-जिरि बोहैग्लाबनाय दाहानि मोदै             खुगायाव राव गोयै गोर्बोनि मोथो-मोथो गाबनाय।  बर' बिमानि मेगन मोदै  नोंनि लुबैनाय बादि हे बर' बिमा  बर' बिमानि मेगन मोदै  नोंनि लुबैनाय बादि  हे बर' बिमा  मोनबाय B.A.C, B.T.A.D आरो B.T.R  नाथाय गोमा लांफिन जोबलां गोन्नामा?       बर' बिमानि मेगन मोदै        मानि साव मोनथि हाला जों        बर' हारिनि...

 रोखा रोखा फोरमायलांदों दाहाफोर  थोयै लोमै मेगन मोदै नोंनि दुखु            बर' बिमानि मेगन मोदै            लुबैदों नों बड'लेण्ड आय' बिमा ?            गोमाजानाय नोंनि फिसानि जिउनि दौलत              गोर्बोनि अर अरखि खोमोरनो ?

 "बर' बिमानि मेगन मोदै"                                                          मुस्रि रमेन बर' बर' बिमानि मेगन मोदै  सोर मोन्थिगौ नोंनि गाबनाय बिमा  नोंनि मोदैनि दाहाया मा? रावबो मिथिया आय' बिमा।            बर' बिमानि मेगन मोदै            नोंनि थायनै मेगननि मोदै बिमा            जिरि-जिरि बोहैग्लाबनाय दाहानि मोदै             खुगायाव राव गोयै गोर्बोनि मोथो-मोथो गाबनाय।  बर' बिमानि मेगन मोदै  नोंनि लुबैनाय बादि हे बर' बिमा 

 जिउनि लामा  जोबथा गोयै बे बुहुमाव  सुबुंआ लायो जोनोम,  थावरिनो गोनां जायो  थिखानाय जिउनि लामायाव।  जोनोमनि उनाव बयबो  गेलेयो,सहायो, फालियो  दुखु-दाहा आरो नेम खान्थि  नाजायो सहैनो गावनि थांखि।  बायदिसिना जेंना-जेंसि, गोब्राब हेंथा, बारहुंखा  नुजाफैयो जिउनि बे लामायाव  नाथाय सौसिलाङो सुबुङा।  दोंसे नङा, दोंनै नङा नुजायो रोजा गेजेरावनो गाज्रि लामा, सायख'खायो सुबुंङा गावनि  साबजानाय आरो सैथो जिउनि लामा।        FWJWNGTHI BORO

 खमसि -खमसि हरनि गिस्रोम-गिस्रोम  आगान  मोफ़्लामनाय-मोदाननाय सोराङाव   दिदोमथि सागान ? आख-फाख' गोहानि मैहुर  आथिं हेबख्लाय सालाय-फान्दाय  लोरबांथि-गोख्रोंथि  रांनि लाजि गैयै रंजानाय गेलेनाय।  बिसोरो हारसिङै आं  आं हारसिङै बिसोरनि  सोरजों लोगो होना, जों होननो  दानि बुब्लिया गुबुंलेनि। 

 बुब्लि  गोजोन बुब्लि नागिरै नागिरै  गोखा-गोखै,गोफा-गोदै बुब्लि  साना नायनानै  आं दायो गोजोन आरो गुबुंले  बुब्लिनि गेजेराव दिनदां ! थावनायल' जायोब्ला बेराम  बार' मिसाल गलायमोनदेरआ  सोलेर गोसोनि आराम  आंहा हालोदा दैलाव-लाव ! धंमानि आन्दोआव  गोदानि गोजाम बुब्लि  खुसिनि आन्दोआव  गोजाम दुखुनि जारिमिन !

 (1) आसिनि बिसिनि गेलेनाय साननाय रावा जादों- "आसौ बिसौ गोमबोरि बिसौ साल मादां मावादां नावबारि सिलाबारि अजानि लावथि थाबायलांबाय सिरि साराय ग'।" (2) आमोल-;दिमोल गेलेनायाव साननाय रावा जादों- "आमोल-दिमोल गारायमोन दावसा गोथै माहाजोन गगेरे खाथा गलदुम।" (3) बाथा गेलेनायाव साननाय राव: "एले थेले सावले जामखा बेले बाथा।"          बर'फोरनि गोदानि गामियारि खेलाफोरखौ नोजोर होब्ला नुनो मोनोदि, बर'फोरा खेलाफोराव धोनिमोन।नाथाय आथिखालाव दाबफा दाबनै गामियावल'सो मोनफा-मोननै खेलाफोरखौ गेलेनाय नुनो मोनो। गोबां गामियाव नुनो थांला। गोदान-गोदान आदबजों गेलेनाय खेलाफोरखौ बजबना लानाय नुनो मोनो। थेवब्लाबो खायफा खेलाखौ मोजाङै बिजिरना नायोब्ला जोंनि गोदोनि गामियारि खेलानिफ्राय सोलायनाय होनना बुंनो हायो। आथिखालनि सोनाबारिनि सोखो-मोखो हारिमुनि साग्लोबनाय, समनि आंखाल आरो गुबुन जौगानाय हारिनि गादबनायाव गामि ओनसोलनि खेलाफोरा गोमालांनो हमबाय।जायनि थाखाय जों गावनि खेला होनना बुंनो हानायनि गोहो गैला।  

(घ) बैसो गोराफोरनि गेलेनाय : खायफा खेलाखौ बैसो गोराफोरा आबाद मावखांना जिरायनाय समाव गावसोरनि मेंहाबनाय देहाखौ बावगार होनो रंजाना गेलेनायखौ गामि ओनसोलफोराव नुनो मोनो। गिला गेलेनाय,म बाथा गेलेनाय, नाव बोनाय गेलेनाय, नेवलाय गेलेनाय बायदिफोरानो गाहाय।  गेलेनायनि जायगा : गोदो बर'फोरा गेलैनो थाखाय खिलानि जायगायाबो थि खालामना लाखायोमोन। हौवासाफोरनि गेलेनाय आरो हिनजावसाफोरनि गेलेनायनि जायगाया गोरोब लाया। बिसोरो गावबा-गावनि सुबिदा बायदियै खालामना लायोमोन।होवासाफोरनि बांसिन खेलाखौ गेवलां फोथार,  सिथ्लानि स्लिम जयगा, लामानि स्लिम जायगा, दंफांनि सिङाव गेलेनाय जायो। मोसौ लावखारफोरा गावसोरनि मथै गेलेनायनि थावनिखौ बानायना लायोमोन।हिन्जावफोरा बांसिन खेलाखौनो उसुं ख'ना एबा न'  सिथ्लानि मोजां जायगायाव गेलेनायमोन।मिथिंगाजों सोनारना थाग्रा बर'फोरा बोथोर लायै बोथोर गेलेनायखौ गेलेयोमोन। बबे खेलाखौ बबे बोथोराव गेलेयो बेखौ बर'फोरा सायख'ना लायोमोन।  गेलेनायनि साननाय एबा मेथाय : खायफा खेलाफोरआव नेम खान्थि थांनायजों लोगोसे साननाय,मेथाय ख्ननाय थायो। बे मेथाय,साननाय आरो खानायफोरा खेला लायै ...

        गोजौआव मख'नायनि अनगायैबो गामि सिंफोराव हाबसोना थानाय गोबां खेलाफोर दं। जायफोर खेलाखौ जों गेलैयोब्ला  खेलानि मुंखौ मिथिया।बेफोर खेलाखौ बबेखौबा हौवासा गथ'फोरल' बबेखौबा हिन्जावसा, बबेबा हौवासा-हिन्जावसा ज' आरो बबेखौबा बैसोगोराफोरा गेलेनाय नुनो मोनो।  (क) हौवासा गथ'नि गेलेनाय : होवासा गथ'फोरा खामानि मावनानै जिरायनाय समाव बायदि मैया गेलेनाय गेलेयो। जेरै: मंगल बाथा, मोसा-मोसौ गेलेनाय, खब गेलेनाय,खिलाबारि एबा जयन्ति गेलेनाय,थब्लनाय,दैयाव होसोलायनाय बायदि बायदि।  ( ख) हिन्जावफोरनि गेलेनाय: खायफा खेलाखौ हिन्जावफोरा ज'जानानै गेलेयो। बेयावहाय होवासाफोरखौ जाएगा होनाय जाया। बिसोरनि गेलेनाया बांसिनानो बोलो नाङै खारनाय गैयै। जेरै : खावरि गेलेनाय, खब गेलेनाय, न' लुनाय गेलेनाय, हि दानाय गेलेनाय बायदि बायदि।  (ग) हौवा हिन्जाव जयै गेलेनाय: बबेबा-बबेबा खेलाखौ होवा- हिन्जाव ज'जानानै गेलेनाय नुनो मोनो। थाखोमालायनाय,आसौ-बिसौ ज'जलंजे बानायनाय बायदि खेलाखौ जयै गेलेनाय जायो।   

                                                       "बर'फोरनि गोदोनि गामियारि गेलेनाय" गेलेनाया सुबुंनि जिउनि गोनांथार आयदा।गेलेनाया सुबुंनि देहाखौ गोगो आरो  थाजिम खालामो। बेनि अनगायैबो मेलेम आरो थैखौ सांग्रां खालामो। गेलेनायजों सासे सुबुङा गावनि जिउखौ गोजोनै खुंलांनोबो हायो।गावनि जिउखौ दानायजों लोगोसे गावनि मुंखौ मिथिसार होनायनि अनगायैबो रायजो एबा हादोनि थाखाय गोबां मुं खालामनो हायो।       बर'फोरा समाज खुंनानै रायजो जाग्रा हारि। गोदो-गोदाय बर'फोरा गामि-गामि गोबां खेला गेलेदोंमोन। गामियारि गेलेनाया सुबुं जिउजों एंगारनो हायैबादि सरजाबना थायो। मावनानै जाग्रा बर' सुबुंफोरा मावनाय दांनायनिफ्राय जेब्लानो सम मोनो अब्लानो जिरायो आरो बायदि रोखोनि गेलेनायखौ गेलेयोमोन। सुबुङा बयबो गोसोनि दुखु दाहा, मेंनायखौ बावनानै गोदान सांखान्थिजों गावनि हाबायाव नांफिननो थुलुंगा मोनो आरो लोगोसे खहाबगोनां रंजानो मोननाय खेलाफोरखौ गेलेयो। गोदान...

 (18) मुस्रि नरसोन बर', Ex-Deputy Speaker, BTC .  (19) मुस्रि राति राम बर' Ex-MCLA, भेरगाव समष्टि, BTC.  (20) मुस्रि निरनजन नार्जारि, BDO, भेरगाव जौगाखां खोन्दो। (21) मुस्रि अशक बसुमतारि, Branch Manager, Bhergaon SBI.  (22) मुस्रि सुकुराम बर', आफादगिरि, भेरगाव जिल्ला हारिमु आफाद।  (23) मुस्रि सनजय बर' Inspector, Exice, Dept.  (24) मुस्रि जोहोलाव बर' Youth UPPL, Vice President.  (25) मुस्रि  नन्द' राम बर' President, UDC/UPPL. 

 (14) मुस्रि रिहन दैमारि, Ex-Minister, Assam.  (15) मुस्रि लोमस्राव दैमारि, Ex-EM, BTC.  (16) मुस्रिमा कमलि बसुमतारि, Ex-MLA, पानेरि,समष्टि। (17) मुस्रि महेस्वर बर' Ex-MLA, कालाइगाँव समष्टि।

 (8) मुस्रि दिलिप कुमार बर' MCLA, कालिंदुवार समष्टि, BTR.  (9)  मुस्रि दिगनथ' बरुवा, EM, BTR.  (10) मुस्रि फ्रेस मसाहारि, MCLA, धनस्रि समष्टि, BTR.  (11) मुस्रि भुपेन बर' MLA, बरमा  समष्टि। (12) मुस्रि भबेन्द्र बर' MCLA, खैराबारि समष्टि। (13) मुस्रि दुर्गा दास बर' MCLA, कालाइगाँव समष्टि। 

 "माननि आलासि" (1) मुस्रि दिपक कुमार भुइया, SDO (Civil), Bhergaon Sub-Division.  (2) मुस्रि जोति प्रसाद पेगु, SDPO, Bhergaon Sub-Division.  (3) मुस्रि चरन बर' MLA, माजबात समष्ति।  (4) मुस्रि दिरेन्द्र बर' आफादगिरि, Ex-NDFB.  (5) मुस्रि  सुबंसा मछाहारि, नेहाथारि, UDC/BSS.  (6) मुस्रि लक्षी राम बर', लेङाइ आफादगिरि AFA  (7) मुस्रि सनजय सोर्गियारि, MCLA हरिसिंगा समष्ति, BTR .  

सिम,                मानिनां मुस्रि दिपेन बर'              आफादगिरि, दुलाराय बर' फरायसा आफाद।  आयदा: खुंगा 12 थि बड'लेण्ड थावनियारि गेलेमु मेला, 2021 खुंथाइजों लोब्बा लाखिनानै सेबखांनो गोनां "हादोम "              मुंनि बिसिम्बिनि थाखाय हामग्लायथि रादाब नागिरनानै  आरज'लाइ।  मानाव गेदेर सार,              गिबि गिबियावनो "हादोम" नि सुजु आफादनि जानानै नोंथांनिसिम जोंनि गोसो गोरबोनिफ्राय सिबिनाय  आरो गाहाम हामग्लायनाय बावहरनाय थाबाय। बे आरज'लाइनि गेजेरजों सार नोंथांखौ मिथिहोनानै गोजोननाय  मोनोदि, बे जोंनि ओनसोलनि सोलोंथाइ बिथिं, गेलेनाय बिथिं बायदिखौ नोजोर बोनानै बे 12 थि बड'लेण्ड  थावनियारि गेलेमु मेला, 2021 खुंथायजों लोब्बा लाखिनानै रायदाव आफादा जारिमिनारि थालांनाय  थांखिजों  "हादोम" (1 थि बिसान) मुंनि गांसे बिसम्बि  सेबखांनो लानाय जादों। ओंखायनो बे बिसम्बिआव सेबखांनो सार  नोंथांनिसिम गांसे...

 29-11-2021 (समबार): फुंबिलि 7:00 रिंगा:       फुंनि रेजेंगा जानाय।  फुंबिलि 8:00 रिंगा:      गेलेनाय बादायफिननाय।  सानजौफु 12:00 रिंगा: सानजौफुनि ओंखाम जानाय।  बेलासे 12:30 रिंगा:      खमलायनाय जोबथा गेलेनाय बेखेवनाय।                                     बेखेवगिरि- मुस्रि प्रमोद बर'                                    गाहाय मावफुं सोद्रोमा, बि.टि.आर

 बेलासे 3:00 रिंगा: दावबायथिं थाबायनाय गेलेनाय बादायनाय                              बेखेवगिरि- मुस्रि सोमदोन मछाहारि                              D.S.O, अदालगुरि।  हरनि 3:00 रिंगा:   हरनि ओंखाम जानाय। 

 फुंबिलि 11:00 रिंगा: दारिया फाथा गेलेनाय बादायनाय।                                  बेखेवगिरि: मुस्रि गबिन्द' चन्द्र' बसुमतारि,                                 लेङाइ गाहाय मावफुं सोद्रोमा बि:टि:आर। सानजौफु 12:00 रिंगा: ओंखाम जानाय।  बेलासे 2:00 रिंगा:        दंफां बुफुनाय बादायलायनाय।                                    बेखेवगिरि- मुस्रि दिटकानन्द हाजरिका                                    नेहाथारि, sports & youth welfare, btc  बेलासे2:30 रिंगा:      बाथा गेलेनाय बादायनाय।                                 बेखेवगि...

 फुंबिलि 8:30 रिंगा:    रुंसारि आयं साणक्य ब्रह्मनि सावगारियाव बिबार बावनाय।                                   बावजेनगिरि- मुस्रि अबिनास बुसलारि                                   आ: आफादगिरि, BIGA   फुंबिलि 9:00 रिंगा:   खमलायनाय गेलेमु जागायफिननाय।   फुंबिलि 10:00 रिंगा: गिला गेलेनाय।                                  बेखेवगिरि- मुस्रि दावबायसा बर'                                 E.M. SPORTS & YOUTH WELFERE,                                CULTURE AFFAIRS SERICULTURE Deptt. 

 28-11-2021 (रबिबार) फुंबिलि 7:00 रिंगा:    रेजेंगा जानाय।  फुंबिलि 8:00 रिंगा:    फिरफिला बिरहोनाय।                                  बिरहोगिरि- मुस्रि बल'राम ब्रह्म                                  आफादगिरि BIGA                                 बिरहोगिरि - मुस्रि रुनाल दैमारि, रायदाव आफाद।                                  बिरहोगिरि- मुस्रि उत्तम बर',                                  आ: आफादगिरि, जुगामि अनसाइ क्लाब। 

 बेलासे 2:00 रिंगा: खमलायनाय गेलेनाय।          बेखेवगिरि- मुस्रि बिस्वजित दैमारि, बुंथिगिरि आसाम आइन आफाद।  बेलासे 2:30 रिंगा: "हादोम" बिसिम्बि बेखेवनाय।  बेखेवगिरि मुस्रि दिपेन बर', आफादगिरि, ABSU आलासि- मुस्रि लहित बर' आफादगिरि ODC/ABSU   हरनि 7.00 : ओंखाम जानाय। 

 फुंबिलि 10:00 रिंगा: जौसां बेखेवनाय।  बेखेवगिर- मुस्रि खबाराम बर'                 बारग' आफादगिरि अदालगुरि जिल्ला ABSU  फुंबिलि 10:30 रिंगा: जामुंसालि बेखेवनाय।               बेखेवगिरि- मुस्रि बिमेल दैमारि।                मासिगिरि टोटोलापारा VCDC सानजौफु 12 रिंगा: ओंखाम जानाय।   

 हाबाफारि  27-11-2021 (सनिबार) फुंबिलि 8:30 रिंगा: गेलेगिरिफोरखौ आजावनाय।  फुंबिलि 8:30 रिंगा: गाहाय दरखं बेखेवनाय।                              बेखेवगिरि-मुस्रि नगेन बर'                             आफादगिरि- BAC/ABSU  फुंबिलि 9:30 रिंगा: गेलेमु फोथार बेखेवनाय।  बेखेवगिरि- मुस्रि सन्तुस कुमार बसुमतारि।  फुंबिलि 9:30 रिंगा: आलासि जिरायसालि बेखेवनाय।  बेखेवगिरि, मुस्रि कृष्णबसुमतारि  आफादगिरि- भेरगाव बियाब दुलाराय बाथौ गौथुम। 

 बड'लेण्ड थावनियारि गेलेमु आफादनि जानानै - मुस्रि बल'राम ब्रम्हा, आफादगिरि।  मुस्रि गुन'शंकर औरि, गाहाय नेहाथारि।  जुगामि अनसाय क्लाबनि जानानै - मुस्रि फुंबिलि बर', आफादगिरि।  मुस्रि लिरफुंखा बर' गाहाय नेहाथारि। 

 ओंखायनो, गेलेमु सिबियारि राइजो-राजा नोंथांमोनखौ हारि,धोरोम, राव सायख'आजासे बयबो नुजाथि फैनानै फोर्बोनि गासैबो हाबाफारिखौ जाफुंसार खालामनो थाखाय गुरैयै खावलाय हरनाय जाबाय। एसेनोसै-                                           -गोजोन्थों- बान्जाय आफादनि जानानै - मुस्रि रुनाल दैमारि, मासिगिरि।  मुस्रि अरबिन्द बर' मावफुंगिरि।  मुस्रि जिउसोरां बर' लिंथुमगिरि।   

 "हांख्रायलाइ " मानिजाथाव गेदेमा,                     गिबियावनो खुंगा 12 थि बड'लेण्ड थावनियारि गेलेमु फोर्बो, 2021 खुंथायनि रायदाव आफाद आरो बड'लेण्ड थावनियारि आफादनिफ्राय नोंथां/नोंथांमोननि सिम सिबिनाय, खुलुमनाय आरो गाहाम हामग्लायनायखौ बावहरग्रोनाय जाबाय। सिबिनायजों नोंथां/नोंथांमोननो फोरमायनो मोननानै गोजोननाय मोनदोंदि - (a) बर'नि थावनियारि बाइदि गेलेनायफोरखौ फोथांनाय,फेहेरनाय, फोजौनाय आरो मुलुगाव गायसननाय थांखिजों- (b) टोटोलापारा जुगामि अनसाइ क्लाब आरो R/C नि बान्जायनायजों -  बड'लेण्ड थावनियारि गेलेमु आफादा खुंगा 12थि बड'लेण्ड फोर्बो, 2021 खौ अदालगुरि जिलानि भेरगाव महकुमानि सिङाव थानाय 2 नं टोटोलापारा गेलेग्रा फोथाराव सानथामनि बाइदि मेहरगोनां थावनियारि गेलेनाय बादायलायनाय हाबाफारिजों जोबोद गाजा-गोमजायै फैगौ 27,28 आरो 29 नवेम्बर,2021 आव खुंफुंनो लाहार-फाहार (थाम-थिम) खालामनाय जादों।    

 खुंगा 12 थि बड'लेण्ड थावनियारि गेलेमु फोर्बो, 2021  बड'लेण्ड थावनियारि गेलेमु आफाद (BIGA)                 बान्जायदों  टोटोलापारा जुगामि आफाद क्लाब।  अक्त' 27,28 आरो 29 नवेम्बर, 2021  (सनिबार, रबिबार आरो समबार) थावनि : टोटोलापारा गेलेग्रा गेवलां फोथार, अदालगुरि, बि. टि. आर (आसाम) सिम,       मुस्रि/मुस्रिमा/थरायना

 गोजाम आसाम हादोराव बर्मन आरो पाल फोलेरनि राजा फोराबो गोहो फुजा बाउनायनि बाथ्रा मोननो हायो। क'च राजाफोराबो बै रोखोमसे गोहो फुजाखौनो आजावना लानाय बाथ्रा मोनो। आहम राजा खुंथाइनि समावबो आसामाव शाक्त धर्म फालिनायनि बाथ्रा मख'नाय जादों। आहम स्वर्गदेउ रुद्रसिंहआ गोहो आरो तान्त्रिक सानस्रियारि सुबुंमोन। बिथांनि दिनाव राज फोलेराव दुर्गा फुजा बाउनायनि जारिमिन मोननो  थाङो। बै समावनो गोहो फुजानि बाथ्रा मख'नानै थुनलाइ सोर्जिनाय जादोंमोन।      उनाव शंकरदेबनि जोनोम मोननाय लोगो-लोगो शाक्त धार्मीफोरनि गेजेरावबो गोदान बैस्णब सानस्रिया बासा लानो हमो।ओजों किरात फोलेरनि हान्जानि गेजेरावबो शिब फुजानि सानस्रिया जायगा लाना जायगा फारागथि फैनो हमो। आसामाव बर' फोलेरनि हान्जाया शिब महादेवखौ फुजिनो नागारना सिउ बोराइ एबा बाथौ बोराइखौ फुजिनो हमो। बाथौ दोहोरोमा आथिखालाव आसामाव गुवारै फोसाव जानो हमो।       गमामायैनो मानसिनि गेजेराव दानालि आध्यात्मिक सानथौआ प्रासंगिक जानानै फैदों। बे अलंबार सैथो।      

   सानग'थि (बिबेक), सोलोगोरा मानसिफोरा सरासनस्रायै आंगो बावगोमाथिजों गाव गोजोन जिउखौ हांख्रायो। मालायनि मोजांनि थाखाय गोथार गोसोनि सुबुंफोरा गावसोरखौ गोसो मोदोमै बाउसोमो। बैफोर मानसिया गोजोनसिन जिउनि गोदै बिदैखौ लोंनानै थासारिखौ गोजोन-सुदेम खालामो। ओंखायनो गोजोन हायुं सोर्जिनो थाखाय दोहोरोमारि आब्रुथिया जोबोरैनो गोनांथार आयदा महरै नुजाथियो।      भारतनि गोजामसिन दोहोरोम बिजाबा जाबाय बेद। बेदखौ मोनब्रै म महराव मोननो हायो। बेफोर जाबाय -ऋक बेद,जाजुर बेद, साम बेद आरो अथर्ब बेद। बैफोरनि गेजेराव ऋक बेदानो जाबाय गोजामसिन बेद।      

 सुबुंनि गोहो बावथि आरो अध्यात्मिक जिंगा  बावसोम थाथिजों लोगोसे फारागसाफोरा एबा खौसेथि गायसननायनि आंगोथि नाजालायनायखौ सरासनस्रायै दोहोरोम बिमुं होनाय जायो। बे नोजोरनि खनाथिजों बिजिरसंनानै नाहरोब्ला दोहोरोमखौ सुबुंनि अध्यात्मिक जौगालु सान्स्रिनि राहा होनना हमदांनो हागौ। आध्यात्मिक सान्स्रिखौ फोजौनो हानायफोरानो जिउखौ समायनानै खुंफुंनो हायो। जाय मानसिया आध्यात्मिक सान्थौजों जिउखौ दैदेन लाङो बिथांङानो थार ओंथियाव समायना जिउनि बिगोमा जायो, बिथांङा सैथोथिनि आदर्शखौ हमदां हरनो गोहो मोनो। ओंखायनो बुंनो हागौ दि दोहोरोम, सैथो आरो समायनाइजों एंगारलायि सोमोन्दो दंलायो।  सैथो आरो समायनाया जेराव थायो बैयावनो सिउ बोराइ थाम्हिनबा शिब थायो बुंनाय जायो। दोहोरोमारि सानदांथिया मानसिनि गोरबो-गोसोनि जौसार लाबोना होनानै बिथांखौ मोनसे अबेसादारि गोजोननि मुलुगसिम लानानै थाङो

आगोन थिगोन थिनिहालागोन  जाम-जुम गराय जुम   नांगले खाथा थाराय था  गारला थेफा उनसिस बिस।  गोजौआव आव रायखांनाय गेलेनायफोराव रोजाबनायफोरा जायगा लायै जायगा गुबुन जानो हागौ। नाथाय गोदो गथ'फोरा बैफोरखौ गेलेनानै जोबोर गोजोनोमोन। बैफोरखौ गेलेनायाव गाव-गावनि सोलो, गोसोयाव लानाय गोहो, देहाफोरखौ राफोद खालामोमोन। बिसोर बैफोरखौ गेलेनानैनो नेम खान्थि मानिनाय ,देरसिंखौ मान होनाय,सिरिबां आब्रुथि ,सैजो खालामनाय। धर्जो हमथाना गियान आरो गुनखौ बुथुमनानै लादोंमोन।नाथाय आथिखालाव बैफोरखौ गेलेनाइ ओन्सोलावनो नुबांलिया समजों लोगोसे गथ'फोरनि गेलेनाइ फोराबो सोलाइबोबाय। आथिखाल दन्तानेट मुगा जाबाय।गेलेनायफोराबो बेबादि  जाबाय।    

गोजौआव रायखांनाय गेलेनायफोरखौ गासैखौबो बोरियाव गेलेनाय जायो। माखासे दैयाव गेलेनाइबो दं। दैयाव गेलेग्राफोरनि मादाव आगोन-थिगोन गेलेनाय बांसिन नुनो मोनोमोन। गोदो गथ'फोरा दैज्लां समाव गामि सेर एबा गेजेरजों बोहैलांनाय दैसा एबा गोथौ दंग'फोराव लोगो लालायनानै ज' ज' दुगैयोमोन। बेवनो माब्लाबा माब्लाबा गेलेयोमोन। गेलेगिरिफोरा बयबो दैयाव ओंखारनानै बेंखन महरनि जाना थायो। सासेया बिमा (गाहाय) जानानै गाहायाव रायखांनानै रोजाब-रोजाब सानलांगोन साननाया जायनाव जोबहैयो बियो गयो। सासे गनाय उनाव बिनि उननिफ्राय गोदानै सानफिनो बेबायदिनो जायनाव जोबहैयो बियो गलायबाय। बेबायदि सानबाय थायै थायै उनथाराव जाय हारसिं थाहैयो बियो बादुवा जायो। बादुवा जानाया गावनि गेलेगिरि लोगोफोरनि खर'आव दांनांगौ।जायखौ खर'आव दांनो मोनो बिबो बादुवा जायो आरो बादुवाजों लोगो लानानै लोगोफोरनि खर'आव दांनांगौ,दै सिंआव खर'आव हमनाय जाया। दै सायाव हमनायासो जायो।  

 खुसिया मुसिया: खुसिया मुसिया गेलेनो थाखाय गेलेगिरिफोरा  आखाइ आसिखौ हायाव गांलाब बनानै दोननांगौ। सासे बिमा जानानै गाहायनि मेथाइखौ रोजाबै रोजाबै आसिखौ थाइफा-थाइफा सानलांगोन। रोजाबनाया जायनि जि आसियाव जोबहैगोन बिनि बै आसिया गगोन। अब्ला बियो गावनि गनाय आसिखौ मुथुना लाना माखासेखौ फोलावना दोनबावगोन। बिमाया गनाय आसिनि उन्निफ्राय मेथाइखौ रोजाब-रोजाब आसिखौ साफिनबावगोन। बेबायदि जेराव जोबहैगोन बै आसिया गलाइगोन। जोबथारनायाव जायनि आसिया थागोन बियो बादुवा जागोन। बियो लोगोफोरखौ खर'वाव दांबा लोगोआ थैगोन। बेबादिनो बादुवा जानाया गावनि लोगोफोरखौ दांजोबनो हाब्ला गोदानै गेलेफिनगोन।  खुसिया मुसिया सम्फले-सम्फले  बहा दं बहा गैया  फुजा होनो नागिरदों गांगुद।      

 आम्ब्लाइ  उमब्लाइ : बेखौ गेलेनो सासे बिमा थायो। बिमा जानायागावनि आखाइ फारनैनि आसिफोरखौ आसिनि गेजेर-गेजेर सोना लानानै खबजा बायदि खालामना फुवारना लायो। गेलेग्राफोरा आमलाइ -उमलाइ होनै होनै गावसोरनि गाव गावनि आखाइ बिजौजों बिमाया खबजाबादि खालानानै लानायाव बुयै बुयै थाब थाब बोबोगोन। बिमा जानाया खबजाबादि खालामना लानाय आखाइजों गेलेग्राफोर बुज्राब हरनाय आखाइखौ खोबथाबना लाखिनो नाजागोन।जायनि आखाय बिमाजों खेबथाब जायो बियो बादुवा जायो। बादुवा जानाय मानसिया लोगोफोरनि खर'वाव होसो होसो दांनांगौ जायो। जाय दांजायो बियो बादुवा जायो। 

 आसौ बिसौ: बेखौ गेलेफग्राफोरा बयबो थाइनैबो आखाइखौ हायाव फुवारनानै लायो। गेलेग्राफोरनि गेजेराव सासे बिमा जायो। बिमाया गावनि आखाइखौ गोजोमनानै गेलेग्राफोरनि फाथिनानै दोननाय आखाइ बिखुंआव गाहायनि बाथ्राखौ बुंगाजा सौगाजा बुंगाफा सौगाफा खालाम खालाम सानलांनांगोन।बुंनाय बाथ्राया जायनि आखा-फाखायाव जोबहैनो बिनि बै आखा-फाखाया गगोन। बेबायदि गेलेग्राफोरनि आखाया ग'यै ग'यै जाबनायाव जायनि आखाया थाहैगोन बियो बादुवा जागोन। बादुवा जानाय मानसिया गावनि लोगोफोरखौ होसो-होसो खर'वाव दांनांगौ। जाय खर'वाव दांजायो बिबो बादुवा जागोन। बयबो बादुवा जाजोब्बा गोदानै गेलेफिनो।  आसौ बिसौ गोमब्रि बिजौ  सालदां मालदां औवा दां  जुजाय पानि  सिरिं साराय ग'   

  दावखा गेलेनाय : बेखौ गेलेनो मोननै हान्जा, सासे बिमा, खरनै हाख'र आरो दरनै थास' बेदर एबा खाथ्रि बेदर एबा फिसा-फिसा थरनै अनथाय नांगौ। गेलेग्राफोरा समान-समान बिबांनि  मननै जायो। बिमाया खाथि-खाथि खरनै हाख'र खुरनानै सेरावनो जनानै दरनै थास' एबा खाथ्रि बेदर दरफा-दरफा हाख'राव सोनानै दोनो। हाखरखौ मोनसे दोलोआ खरसे आरो गुबुन मोनसे दोलोआ खरसे आवग्रिनानै लायो। गेलेनायनि थाखाय गासैखौबो थियारि खालामनानै लाखांनाय उनाव गेलेजेननाइयाव मोननैबो हान्जानि गेलेगिरिफोरा जयै हाखरखौ सा खोला लारि खुरना लादोंब्ला साहा एबा खोलाहा मोखां जालांनानै (उनथिं नायहरनो मोना) गा, गा होन्नानै थाबाय लांनांगौ। बे समाव बिमा जानानै हाख''र सेराव जनानै थानाया मोनसे हाख'रनि दरसे बेदरखौ बिसोरनि (गा,गा होननानै थाबायलांनायफोरनि) उलथा दिगथिं गोजानाव खुबै हरो। बिमाया जाबाय होननानै बुंनाय लोगो-लोगो गा,गा होन्ना थाबायलांनाय गेलेगिरिफोरा उलथा फारसे थांनानै बिमा खुबै हरनाय बेदरखौ नागिर हैयो। बिसोर मुखुब नागिरबाय थानाय समावनो बिमाया गुबुन खरसे हाखरनि बेदरखौ  सिगांआव खुबै हरनायनि उलथा दिगथिं खुबै हरो। बेदरखौ न...

 संनायनि नेम दावब' खालामना लानाय हासिबखौ थुनानै होनांगौ। दावब'वा थुनाय आखाइआव हासिब गनसि दंमारोब्ला दावब'वा देरहाबाय नाथाय गैयाब्ला मानसिया देरहाबाय। जाय देरहायो बिसोरहा गरसे मोनो। बेबादि गेलेलांबाय थायो। जोबनायाव जाय बांसिन मोनो बिसोरनो देरहायो।                                                                          खेरखा मुथि खेरखाथि  गाङा गारि गाङा थब आथब बिथब  थिं लावथब                                                                                                                        ...

 " आगोलाव गथ'फोर गेलेनायनि खान्थि" गथ'फोरनि गेलेनायफोरखौ सोलायबोबाय थानाय नुनो मोन्दों। गथ'फोरनि गेलेनाय सोलाइबोनायनि जाहोनफोरखौ सम आरो मुगायानो सोलायहोबोदों होनना  बुंनो हायो। गथ'फोरा जि सम आरो मुगायाव गावसोरनि आबहावायाव जिखौ मोन्दों बेखौ गेलेनाय नुनो मोन्दों। बेखायनो, गोदोनि गथ'फोर गेलेनायफोरखौ आथिखालनि गथ'फोरखौ बारा गेलेनाय नुनो मोनला। खायसे गेलेनायखौ गारथारबाय। आथिखाल गेलेनाय नुनो मोनला। बेफोर जेखि जादोला आं गोदानि गथ'फोर गेलेनाय आरो बेनि नेमफोरखौ मोन्नै रायखांनो नाजानाय जाबाय।  दावब' गेलेनाय: बेखौ गेलेनो थाखाय गेलेग्राफोरनि गेजेरनिफ्राइ सासेया दावब' जायो। दावब' जानाय गेलेगिरिया गंसे हासिब गनसिखौ गोलावैनो लानानै फारसे बिजोखौ थाम इनसिसो गोलाव सिफायदबनानै दावब'  खुगा बायदि खंखाय खालामनानै लायो। माखासेया आखाइ मुथा मोजोम-मोजोम फज'-फज' लायो। सासे मानसिया हासिब गनसि गुसुं खेबस'ना लानानै आसि बिजौ मोननै एबा मोन्थामजों लाखोमानानै गाहायनि मेथायखौ रोजाब-रोजाब लोगोफोरनि आखाय मोजोमनाय मुथायाव थुयै-थुयै दोनखोमागोन। आखाइ मोजोम-मोजो...

                                                              नोंथांनि फोथायसुला - ( मुस्रि बल'राम ब्रह )                                                               ( मुस्रि रनाल दैमारि )        आफादगिरि                                                                   मासिगिरि, राइदाव आफाद  बड'लेण्ड इन्डिजेनियास गेम्स एस'सियेसन        खुंगा 12 थि बड'लेण्ड इन्डिजेनियास गेम्स  फेस्टिफेल, 2021 

सिम,                  मानिनां  मुस्रि / मुश्रिमा आयदा : खुंगा 12 थि बड'लेण्ड इन्डिजेनियास गेम्स फेस्टिफेल, 2021 खुंथायनि                                                  अक्त  :   खालारनि गेलेमु बादायलायनाय हाबाफारियाव माननि आलासि महरै मोननो थाखाय आर'जलाइ। मानव गेदेर,               गिबियावनो '' खुंगा 12 थि बड'लेण्ड इन्डिजेनियास गेम्स फेस्टिफेल, 2021'' खुंथायनि राइदाव आफाद आरो इन्डिजेनियास गेम्स एस'सियेसननिफ्राय नोंथांनिसिम सिबिनाय, खुलुमनाय आरो गाहाम हमग्लायनायखौ बावहरग्रोनाय जाबाय। जों नोंथांखौ मिथिहोना गोजोननाय मोनोदि, इन्डिजेनियास गेम्स एस'सियेसना ''खुंगा 12 थि बड'लेण्ड इन्डिजेनियास गेम्स फेस्टिफेल, 2021" खौ अदालगुरि जिल्लानि भेरगाव महुकमानि सिङाव थानाय 2 नं टोटोलापारा गेलेग्रा फोथाराव सानथामनि बाइदि मेहेरगोनां थावनियारि गेलेनाय बादायलायनाय हाबाफारिजों जोबोद गाजा...

 सिम,                मानिनां, ..............................................................................................................................  आयदा: खुंगा 12 थि बड'लेण्ड इन्डेजेनियास गेम्स फेस्टिवल ,2021 खुंथायनि रायदाव आफादाव नोंथांखौ बिबानाव थिसननाय जाबाय।  मानाव गेदेर ,                 गिबियावनो "खुगा 12 थि Bodoland Indigenous Games Festival 2021" खुथायनि रायदाव आफादनिफ्राय नोंथांनिसिम सिबिनाय , खुलुमनाय आरो गाहाम हामग्लायनायखौ बावहरग्रोनाय जाबाय। जों नोंथांखौ मिथिहोनो मोननानै गोजोन्नाय मोनोदि खुगा 12 थि Bodoland Indigenous Games Festival , 2021 खौ उडालगुरि जिल्लानि भेरगाव महुकमानि सिंआव थानाय 2 नं टोटोलापारा गामिनि गेलेग्रा फोथाराव सानथामनि बाइदि मेहरगोनां गेलेनाय बादायलायनाय   हाबाफारिजों जोबोद गाजा-गोमजायै फैगौ 27,28 आरो 29 नवेम्बर, 2021 आव खुफुनो लाहार-फाहार खालामदों।               ओंखायनो, नोंथांनिसिम गुरैय...