दैखरगुरि गामि। गय-फाथैजों बुंफबनाय गोम गोम बर गामि। 

गसाइगावनि बा माइल गोजान। फाख्रिगुरि गामि जानानै दुब्लि गेजेर गेजेर थांनांगौ। गेजेराव सावतालपारा। गोदोसोनानै थानाय गामिलाय गाहाम लामा गैया। बैसागुनि सिगां सिगां एसेम्ब्लीनि बिसायख'थि जादों। बिसायख'थि समाव दैखरगुरि जानानै गिबि मन्थ्रिया सरायबिल बाजाराव मिटिं गानो थांदों। बिखायनो लामा एसे फोसाबदों। बिनि सिगां लामा गाज्रिथारमोन। 

     हाखर-हाला लामाजों लुंहे लुंहा गारि खारलांनाय नुनानै दुब्लियाव खामानि मावनाय मानसिफोरबो नायबाय। लामा जिं जिं लफायनाय गथ'फोरा सिङाव सोर दं नायनो उन उन खारफाबाय। नाथाय गारिनि ग्लासाव गोसोम प्लास्टिक सिथाबनायलाय नुवाखिसै। खारफानाय समाव हाब्रुसो बेरसादजाबाय। 

   गाङे-गुङे जानानै थांनाय गारिखौ दसे नायनानै हंलाया हालिउफिनबाय। नायबाय थानो बिहा सम गैया। दिनै थाम दब्लाइ फोमोननांगौ। गाबोननिफ्राय बिबथैनि हाखौ हालिउनांगौ।