blogging master

 उदालगुरि जिल्लायाव गंसे समायना  RESORT बानायदों : उदालगुरि जिल्लानि सिङाव थानाय दिमाकुचि डालायनि आफाडनिनो खैरानि होन्नाय दाबसे हाजो सेरनि गामियाव समायना जायगा बानायदों जाय जायगायाव थांलाय-फैलाय खालामनानै गोसोखौ गोजोन होनो हायो। मिथिंगानि समायना महरखौबो बे जायगायाव नुनो मोनो आरो बिफां-लाइफांजों लोगोसे दावमा-दावसाफोरखौबो बे जायगायाव नुनो मोन्नाय जायो। खैरानि गामिनि बे बानायनाय बे जायगानि मुंखौ दोननाय जादों " Rhino Eco Resort ".     गोबां गोजान जायगानि सुबुंफोरखौ बे "Rhino Eco Resort" आव बेराय फैनायखौ नुनो मोननाय जायो। गोदानै बानायनाय बे resort आ लासै-लासै मुंदांखा जाबोनो हमदों। बेरायनायनि अनगायैबो बे resort आव माखासे गेलेमुफोरनिबो राहा खालामनानै होदों आरो गाखोनो थाखाय घ'राइनिबो राहा खालामदों।      Eco Resort नि सेरावनबो दंबावो आरोबाव दाबसे समायना नायथाव जायगा। जाय जायगाया Eco Resort नि आगोलनिफ्रायनो मोनथिजाबायमोन। बेनो जादों "Tree House". बे जायगाया Organic tea garden  नि थाखाय मुंदांखा। 

 दिनै  34 थि  "बड'लेन्ड मुख्लं" सान : सुजित नार्जारिया 1972  मायथायनि 8 जुनआव कक्राझारनि  बाथिपारायाव गामियाव जोनोम मोनदोंमोन आरो 1987 मायथायनि 12 जुनआव उदखारिफोरनि गाग्लोबनायाव जिउ गोमादोंमोन । बिनि बिफानि मुङा मंगलसिं नार्जारि आरो बिमानि मुङा लामेस्वरि नार्जारि। सुजित नार्जारिनि थैनाय सानखौ "बड'लेन्ड मुख्लं" सान होन्नानै फालिनाय जायो। बिथांआनो बड'लेन्ड सोमावसारनायाव गिबिसिनै जिउ गोमादोंमोन बिनिथाखायनो 12 जुनखौ "बड'लेन्ड मुख्लं" सान होन्नानै फालिनाय जायो। दिनै दाब-दाब जायगाफोराव "बड'लेन्ड मुख्लं" सानखौ सिबिदों। बिथांनि जिउमाया जोंनि गेजेराव दिनैसिम थैनानैबो थोयै बायदि जाना दं।   सुजित नार्जारिया फरायनायाव गोख्रोंमोन। बिथांआ 10 थाखोसिम फरायबायमोन। मेट्रिक आनजाद जानायनि आगोलनो बिथांनि जिउआ रुंसारि जालाङो।  सुजित नार्जारिया 1987 मायथायनि  12 जुनआव बड'फा उपेन्द्र नाथनि  दैदेननायाव गुवाहाटिनि Judge field आव बड'लेन्ड सोमावसारनाय सुबुं गौमायाव बाहागो लाहैदोंमोन नाथाय जेब्ला न' फारसे गिदिंबोफिनद...

 बे बोसोराव अम्बुबाची मेला फालिनायखौ गैया खालामबाय: कामाख्या देवालय सामलायगिरि आफादा बे बोसोराव अम्बुबाची मेला फालिया होनना थांखि लाबाय।  अम्बुबाची मेलाया जुननि 22-26 सिम जागौमोन।  आसाम रायजोआव कोविद-19 नि गोसारथिया साग्लोबसारनायनि जाहोनाव धोरोम सिबियारि जेरै साधुफोर  एबा  सन्याशिफोरनि थाखाय कामाख्या थानसालिया 30 जुनसिम बन्द' थागोन। आसाम रायजोनि  बे खेबनि कोविद -19 नि  साग्लोबसारनायखौ नोजोर होनानै 13 मेनिफ्रायनो कामाख्या थानसालिखौ  बन्द' दोननाय जादों। थानसालिनि  authority आ बुंदोंदि धोरोमनि नेम खान्थि बायदियै थानसालिनि सिंआवल' सिबियारि  फोरजों  सिबिजागोन।  थानसालिनि authority आ बेखौबो रोखायै फोरमायदोंदि , अम्बुबाची मेलानि समाव  थानसालियाव रावबो नायग्रा आरो दावबायारि फोरा  नायहैनो आरो सिबिनो मोन्नाय नङा आरो धोरोम सिबियारिफोरनि थाखाय जेनिबो जानाय आदार आरो थानायनि राहा खालामनाय जानाय नङा।