दिनै  34 थि  "बड'लेन्ड मुख्लं" सान :

सुजित नार्जारिया 1972  मायथायनि 8 जुनआव कक्राझारनि  बाथिपारायाव गामियाव जोनोम मोनदोंमोन आरो 1987 मायथायनि 12 जुनआव उदखारिफोरनि गाग्लोबनायाव जिउ गोमादोंमोन । बिनि बिफानि मुङा मंगलसिं नार्जारि आरो बिमानि मुङा लामेस्वरि नार्जारि।

सुजित नार्जारिनि थैनाय सानखौ "बड'लेन्ड मुख्लं" सान होन्नानै फालिनाय जायो। बिथांआनो बड'लेन्ड सोमावसारनायाव गिबिसिनै जिउ गोमादोंमोन बिनिथाखायनो 12 जुनखौ "बड'लेन्ड मुख्लं" सान होन्नानै फालिनाय जायो। दिनै दाब-दाब जायगाफोराव "बड'लेन्ड मुख्लं" सानखौ सिबिदों। बिथांनि जिउमाया जोंनि गेजेराव दिनैसिम थैनानैबो थोयै बायदि जाना दं। 

 सुजित नार्जारिया फरायनायाव गोख्रोंमोन। बिथांआ 10 थाखोसिम फरायबायमोन। मेट्रिक आनजाद जानायनि आगोलनो बिथांनि जिउआ रुंसारि जालाङो।  सुजित नार्जारिया 1987 मायथायनि  12 जुनआव बड'फा उपेन्द्र नाथनि  दैदेननायाव गुवाहाटिनि Judge field आव बड'लेन्ड सोमावसारनाय सुबुं गौमायाव बाहागो लाहैदोंमोन नाथाय जेब्ला न' फारसे गिदिंबोफिनदोंमोन नलबारिनि तिहु सकआव माखासे गुबुन हारिनि दुथांफोरजों गाग्लोबजादोंमोन।  बिथांआ 15 बोसोर बैसोआवनो जिउ गोमानांगौ जायो। 

 दिनैसिम बिथांनि मुंख्लं जानाया गासै 34थि जाबाय। गुबुन-गुबुन  दालायनि ABSU, गुबुन-गुबुन जिल्लानि ABSU फोरा  12 जुनखौ अराइबो गोथार सान महरै फालियो। बर'नि अनगा गुबुन हारि, गुबुन-गुबुन हाडोरफोरावबो सुजित नार्जारिनि जारिमिनखौ मिनथिगौ।