सुजुगिरिनि फंनैसो 

                                                                                                            

      बुहुमनि जायखिजाया गेलेनायानो बबेबा मोनसे नङा मोनसे थागिबि हारिनि गुदि एबा थावनियारि गेलेमु। बैसोर हारिया  गावसोरनि बैफोर गेलेनायफोरखौ गोबां बोसोर फोसाब फोसाब बुहुमनि दाब दाब हादोरफोराव फोसावनानै अनसायनाय मोन्नानै दिनैनि बे थाखोसिम दोनफैनो हादों। फुटबल,क्रिकेट,बक्सिं , टाई-कवान डु, कुंफु, पेन साकसिलेट,जुडो,काराते,रेसलिं आरो गोबां गेलेनाया दिनै बुहुमनाङैनो साग्लोबसारना दं। नाथाय मोनसे बाथ्राया रोखादि बैफोर मोनफ्रोम गेलेनायानो सोरबा हारिनि गोदान फोसाबथाय गोनां थावनियारि गेलेमु। फारसेथिं जोंनि बर' माहारियाबो गोबां गुदि गेलेमु दंसोगारो। दानि दिनाव बैफोर गेलेमुवा गोमालांनो हमबाय। बेफोर गोमालांनो हमनाय बर'नि गेलेमुफोरखौ बुरखांफिन्ना फोसाबफिननायजों लोगोसे संरैखा खालामनो थाखै जोंनि बर'नि गेजेराव सासे बिर जोहोलाव जोनोम जाफैदोंमोन बिथांनि मुङानो जादों आयं रुंसारि चाणक्य' ब्रह्म। बिथांआ गोमा लांनो हमनाय बर'नि माखासे गेलेमुफोरखौ बुरखांना फोसाबफिन्ना गुबुन हादरावबो दिन्थिफुंदोंमोन। बिनि गेजेराव खमलायनाय गेलेनाया मख'जाथाव। बे खमलायनाय गेलेनायखौ चिन हादरावनो थांनाय समावनो बिथांङा चिन हादरावनो रुंसारि जालांङो। थेवबो बिथां थैना थांनायनि उनाव बर' माहारिनि गुदि गेलेमुफोरखौ फोसाबना रैखाथि होनांगौनि स्वार्थआव गोबां मावथिफोरा आवग़ायबोदों। 

        "हादोम"। हादोमनि ओंथिया जादों खमलायग्रा थावनि। मोनफ्रोम गेलेनायानो गावबागाव मोनसे थि जायगा थायो। जेरै बक्सिं गेलेग्रा जायगाखौ  "रिं", रेसलिं  गेलेग्रा जायगाखौ "एरेना" बुङो। थिग बिदिनो बर'नि खमलायग्रा जायगाखौ "हादोम" होनना बुङो।     

                                                                                          मुस्रि दैमु खुंगुर बर' 

                                                                                       गाहाय सुजुगिरि "हादोम"