Enthusiastic Bihu shoppers throning markets, fairs:

बैसागुआ आसामनि  मोनसे देरसिन आरो साबसिन रंजाथाय फोर्बो आरो गोदान बोसोरनि जागायनाय दान जाबाय जेब्ला  नोगोरनि लामाया हाथाय खालामनो फैनाय सुबुंफोरजों  बुंफबजोबदों। 

गोदान बोसोरनि मुंआव माहारियारिनि गानाय -जोमनाय जिरादफोरखौ बायनो थाखाय गोबां बायग्राफोरा बाजार,मेलायाव थुबुर आरो लामाया आबुं जादों। सोरबाया बेसेन गोसानि सोरबाया खम बेसेन्नि गाननाय-जोमनाय फोरखौ बायदों,नाथाय खायफाया बेसेन गोसा होनना गिदिं फिनलांदों।

गथ'निफ्राय लानानै गासै गोजौ बोइसोसिम बायग्राफोरखौ नुनो मोन्नाय जादों आरो गुबुन-गुबुन रोखोनि गाननाय-जोमनायफोरखौ बायग्राफोरा बिनायखौ नुनो मोनदों। बैसागुनि थाखाय बायदि रोखोमनि गाननायफोरखौ Discount आरो Offer बो होनाय जादों। 

गुबुन-गुबुन ओन्सोलनि जायगाफ्राव Self Help Group फोरा बैसागुनि थाखाय हाथाय,मेला बानायदों। बेयाव माखासे रोखोमनि Readymade फिथा आरो जोमग्राफोरखौ फानदों। लोगोसे मायब्रा मायरं,जोसा मायरं,गायखेर,सिराफोरखौबो फानदों। 

थांनाय सोमबार खालि पेकेट मोनफायाव फिथाखौ 50 -60 रांआव फानदोंमोन।गांसाखौबो design सायाव सोनारना 150-500 रांहालागै फ़ानाय जादोंमोन। मायब्रा आरो जोसा मायरंखौ सेरसेआव 70-90 रां आरो गुरु मिथायखौ सेरसेयाव 80-100 रांहालागै फाननाय जादोंमोन। 

तिनसुकियानि सासे आइजोआ आमबारियाव कपौ बिबारनि फालांगि खालाम फैदों। बियो कपौ बिबारनि बेसेनखौ 100 निफ्राइ 1000 सिम खालामदों। 

 माखासे बानायब्रबनाय हाथाय बाजारफोरखौ गुबुन-गुबुन जायगाफ्राव नुनो मोनदों।जेरै -Maskhowa , Chaandmaari ,Khanapara, Ganesguri आरोबाव गुवाहातिनि दाब -दाब जायगाफ्राव।

बेनि अनगाइबो, dhol, pepa आरो गुबुन - गुबुन बैसागुनि दामनाय-देनाय आगजेंफोरखौबो मोजांङै फाननो हादों होनना आगजें फालांगिरिमोना बूंदों। थांनाय बोसोराव lockdown नि थाखाय गोगोमैनो खहा जादोंमोन नाथाय नैबे बोसोराव गोबां मोजां बिबांनि बायग्राफोरखौ मोननो हादों होनना Bharalamukh नि फालांगिया बुदों।