हे गेदेमा थान्दै नोंथांमोन आंनि लिरबिदां फरायनायाव जालांनाय गेना गोरोन्थि आरो थालांनायखौ नोंथां नोंथांमोनखौ आसि दिन्थिना होनायजों लोगोसे निमाहा मोनगोन होनना मिजिं थिबाय। जोबथारनायाव नोंथांमोननि बयनिबो गोजोन हामग्लायनानै आफा ईसोर बोराइ बाथौनि खाथियाव बोर बानसा बिनानै आंनि से बोसोरनि लिरबिदां फरायनायखौ एसेआवनो फोजोबनाय जाबाय।
एसेनोसै गोजोन्थों।
जै आफा बोराइ बाथौ
जै बोराइ बाथौनि जै
बाथौ दोहोरोम मुलुगाव गोसारथों
बाथौ दोहोरोम जोंनि आंगो दोहोरोम
दहाय आफा बोराइ बाथौ।
नोंथांमोननि फोथाइसुलि मुस्रिमा रैसुमै बसुमतारि नेहाथारि भेरगाव बियाब माइनाव आफाद।
दहाय आफा बोराइ बाथौ
गाहाय नेहाथारिनि से बोसोरनि लिरबिदां भेरगाव बियाब बाथौ गौथुम माइनाव आफाद।
खुंगा 27 थि बोसोरारि जथुम्मा
थावनि - खोलामाखा बाथौ थानसालि
खालार : 17 जानुवारि, 2023
मागो दानननि 2 खालार मंगलबार
आहाम,
ओं ह्रिं ख्लिं फोदसे3
हे सोरजिगिरि जिउनि बिगोमा
नुवाथारि आफा इसोर बोराइ बाथौ
खांनायगिरि बानायगिरि आरो फोथैगिरि
नों सासेआनो साथाम फाना फानथाम
दायनिगिरि जों सुबुंआ
निमाहागिरि नों आफाया।
गिबि गिबियावनो नुवाथारि आनान गसाय बोराय बाथौ आरो बिमा माइनावनि सेराव खर' गंग्लायै दाय गोरोन्थिनि निमाहा बिहरनाय लोगोसे बयखौबो खुलुबाय।
मानाव गेदेर थान्दै नोंथांमोन भेरगाव बियाब बाथौ दोहोरोमारि गौथुमनि खुंगा 27 थि बोसोरसालिया जथुमनि बे रुंसारि नरेन बर' गोसोखां थान्दै मेलनि बेखेवगिरि मानगोनां मुस्रि हरेन्द्र बसुमतारि नोंथां बोसोनगिरि भेरगाव बियाब दुलाराय बाथौ गौथुम। आरो बे थान्दै मेलनिनो दैदेनगिरि मुस्रि रहन बर' बुंथिगिरि, भेरगाव बियाब दुलाराय बाथौ गौथुम नोंथां। भेरगाव बियाब बाथौ गौथुमनि आफादगिरि नेहाथारि आरो बायदि बिबाननि बिबानगिरि नोंथांमोन। लाइमोन आफाद आरो माइनाव आफादनि बोसोनगिरि, आफादगिरि नेहाथारिजों लोगोसे गुबुन गुबुन बिबानाव थानाय बिबानगिरि नोंथांमोन। आरो भेरगाव बियाब बाथौ गौथुमनि फोसावगिरि, आसारि दौरि बिफाननि बिबानगिरि नोंथांमोन। खुंगा 27 थि बोसोरसालिया जुथुमखौ बानजायनानै सानसेनि हाबाफारिजों आलो गोजोनै खुंफुंनो लानाय खोलामाखा गामिनि बानजाय आफादनि आफादगिरि नेहाथारिजों लोगोसे गुबुन-गुबुन बिबानाव थानाय बिबानगिरि नोंथांमोन। आरो दिनै बे सिबियारि थान्दै मेलाव बाहागो लाफैनाय दाब दाब गामि दालाय आफादनि बाथौ सिबियारि थान्दै नोंथांमोन। बयनिसिमबो आंनि गोसो गोरबोनिफ्राय खुलुमनाय सिबिनाय बावहग्रोनाय जाबाय। जाय बिथांमोना नारा नाथा नाजानानै बाथौ दोहोरोमखौ फोजौनो फोसावनो गोसो मोदोम जिउ होसारनानै अब'थिरा जिउ गोमलांबाय रुंसारि जालांबाय बिथांमोननि सेराव अरायबो खर' गंग्लायै सिबिनाय आरो खुलुमनायखौ बावहरग्रोनाय जाबाय।
हे मानगोनां थान्दै नोंथांमोन दिनै भेरगाव बियाब बाथौ माइनावनि गाहाय नेहाथारि जानानै आंनि बे सुंथाबै लिरनाय से बोसोरारि बुब्लिनि लिरबिदांखौ नोंथांमोननि सिगांआव फरायनानै होनो आखायाव लाबाय। गाहाय नेहाथारिनि बे लिरबिदां लिरनायाव गोबां सानस्लाबहायै आरो मिथिस' हायैआव गोरोन्थि थालांनायफोरखौबो नोंथांमोनखौ आसि थुनानै दिन्थि हरगोन होननानै मिजिं थिबाय।
Comments
Post a Comment