सिम,

                मानिनां आफादगिरि/नेहाथारि,

                दुलाराय बाथौ गौथुम,

                बाथुफुरि, आहमगाव, गोवाहाटि - 35 (आसाम) ।

आयदा :- भेरगाव जिल्ला दुलाराय बाथौ गौथुम" महरै गनाइथि मोननायनि आरजलाइ। 

मानाव गेदेर,

    गिबियावनो आफा बोराइ बाथौनि सेराव दहाय लाना नोंथांमोननिसिम भेरगाव जिल्ला दुलाराय बाथौ गौथुमनिफ्राय दोहोरोमारि सिबिनाय आरो खुलुमनायखौ बावहरग्रोबाय। बे आरजलाइनि गेजेरजों नोंथांमोनखौ मिथिहोनायजों लोगोसे खावलाइनाय जायोदि, अदालगुरि जिलानि भेरगाव महकुमानि सिङाव थानाय आइदेवर, टंला, भेरगाव खाग्राबारि आरो खैराबारि बियाब दुलाराय बाथौ गौथुमनि दैदेनगिरि ओनसोलनि मेलेमजिबि आरो बाथौ सिबियारि राइजो-राजा गासैबो जयै सावराय लायना महकुमानि सिङाव राइजो जाबोनाय बर' सुबुंफोरनि गेजेराव आफा बोराइ बाथौनि मोनबा गोथार बोसोन (गोथार गोसो, सैथोनि गोसो, अननाय गोसो, निमाहानि गोसो आरो खौसेनि गोसो) खौ फोसावनो नुवाथारि आनान गसाइ, अबंलावरि आफा बोराइ बाथौखौ सिबिनाय आरो बिथांनि गोथार अननायखौ मोननो हानायनि गोथों लामा दिन्थिलांनो, बाथौ दोहोरोमखौ फोसावनाय, फेहेरनाय आरो फोगोमनायनि थांखि आरो नोजोर लाना बाथौ दोहोरोमनि खामानि मावलांनो दुलाराय बाथौ गौथुमनि संबिजितआव मख'नाय राहा बादियै भेरगाव जिला दुलाराय बाथौ गौथुम दाफुंनो मोनसे लिंथुमगिरि आफाद दाना लायो।

    थांनाय इं 03/03/2024 खालाराव भेरगाव बियाब बाथौ थानसालियाव लिंथुमगिरि आफादनि आफादगिरि मुस्रि सुरेन दैमारिनि आफाद दैदेननायाव मोनसे आलांगा मेल  जलाङो। बे मेलाव जथुमफिनाय गोजौआव मख'नाय मोनबा बियाब दुलाराय बाथौ गौथुमनि दैदेनगिरि, मेलेमजिबि आरो बाथौ सिबियारि राइजो-राजा बिथांमोननि आबुं मदद आरो हेफाजाबजों थांखिनि गेजेरजों " भेरगाव जिल्ला दुलाराय बाथौ गौथुम" दाफुंना लानाय जायो। बे मेलाव सायख' जानाय गुबै, माइनाव आरो लाइमोन आफादनि बिबानगिरिफोरनि फारिलाइखौ बे लाइजामजों सरजाबफाना होनाय जाबाय। 

     मख'नो गोनांदि थांनाय इं 16-03-2024 खालाराव गोदानै दाफुं जानाय भेरगाव जिला बाथौ गौथुमनि सायख'जानाय बिबानगिरि बिथांमोनखौ बिबान गथायनायजों लोगोसे समाय खिरा होनाय जायो आरो बै खालारावनो जालांनाय गिबि मेलनि थांखि बादियै मिरु दुलाराय बाथौ गौथुमनिफ्राय "भेरगाव जिल्ला दुलाराय बाथौ गौथुम" महरै गनायथि मोननायजों हास्थायबाय। 

     ओंखायनो नोंथांमोनिसिम गुरैयै आरज गाबोदि, दुलाराय बाथौ गौथुमा गोदानै दाफुंनाय "भेरगाव जिल्ला दुलाराय बाथौ गौथुमखौ गनायथि होना जोंखौ बाथौ दोहोरोमनि खामानि मावलांनायाव मदद खालामो। गोजोन्थों। 

                                                                                                         नोंथांमोननि फोथायसुला 

मुस्रि  सुरेन दैमारि                                                                                 मुस्रि अरबिन्द बर'

आफादगिरि                                                                                          गाहाय नेहाथारि 

                                            भेरगाव जिल्ला दुलाराय बाथौ गौथुम