1. 3 थि बोसोरारि जथुमा खुंनाय :
थांनाय इं 09/03/2025 (रबिबार) खालार खालि भेरगाव जिला थुनलाइ आफादनि 3 थि बोसोरारि जथुमाखौ बेहेरगामि गुदि बर' थुनलाइ आफादनि सिङाव थानाय के.के. बरुवा हिनजावसा गोजौ फरायसालियाव सानसेनि हाबाफारिनि गेजेरजों खुंफुंलांनाय जायो। बे जथुमानि सेथि हाबाफारिबादियै बर' थुनलाइ आफादनि गोथार फिरफिलाखौ बिरहोयो भेरगाव जिला बर' थुनलाइ आफादनि आफादगिरि मुस्रि मतिलाल बसुमतारि बिथांङा, गेदेमा रुंसारिफोरनिसिम बिबार बावजेनो जिला आफादनि लेङाइ आफादगिरि मुस्रि प्रदिप कुमार बर' बिथाङा। थान्दै मेलखौ बेखेवनानै होयो दरं जिला बर' थुनलाइ आफादनि आगु नेहाथारि मुस्रि प्रसन्न बर' बिथांङा, थान्दै मेलखौ सामलायो जिला आफादनि आफादगिरि मुस्रि बुधेस्वर बर' बिथाङा आरो नोजोरबोआरि महरै बाहागो लायो मिरु बर' थुनलाइ आफादनि नेहाथारि मुस्रि कामेस्वर बर' ' बिथाङा। बेलासेनि 1:00 रिंगायाव भेरगाव जिला बर' थुनलाइ आफादनि खुगा लाइसि "लाइसिमग्रा" थामथि बिसानखौ बेखेवानै होयो अदालगुरि जिला बि.जे.पि. नि गाहाय नेहाथारि मुस्रि जौस्रां बर' बिथांङा। बेलासेनि 1:30 रिंगायाव गेवलां मेलखौ बेखेवनानै होयो बि.टि.आरनि मावफुं सोद्रोमा मुस्रि दावबायसा बर' बिथांङा। गेवलां मेलनि गाहाय आलासि महरै नुजाथि फैयो मिरु बर' थुनलाइ आफादनि लेङाइ आफादगिरि मुस्रि सिता राम बसुमतारि बिथांङा।
मख'नाय जायोदि 3 थि बोसोरारि जथुमा भेरगाव जिला बर' बर' थुनलाइ आफादनि थान्दै मेलनि गेजेरजोंनो जिला आफादनि गोजाम मावफुं आफादखौ सिफायनानै गोदान मावफुं आफादखौ दानानै लानाय जायो। गोदानै दाजानाय 2025 -2028 मायथायनि थाखाय गोदान मावफुं आफादनि बिबानगिरिफोरखौ गाहायाव मख'नाय जाबाय -
1. आफादगिरि - मुस्रि बाबुल अखाफोर बर'
लेङाइ आफादगिरि : मुस्रि निरेन्द्र' दैमारि
मुस्रि रुपेस्वर बर'
मुस्रि प्रदिप कुमार बर'
मुस्रिमा सानसुमै बर'
2. नेहाथारि - मुस्रि मेहेरसा बर'
लोगो नेहाथारि - मुस्रि सबि राम बर'
मुस्रि पदमधर मछहरी
3. फोनांजाब नेहाथारि - मुस्रि फुलन दैमारि
मुस्रि बकुल बर'
मुस्रिमा अनजालि बसुमतारी
4. रांगिरि : मुस्रि भुमिधर बर'
5. बोसोनगिरि : मुस्रि कामेस्वर बर'
मुस्रि पानाम चन्द्र बर'
मुस्रि बुधेस्वर बर'
मुस्रि रिसि राम बर'
मुस्रि मतिलाल बसुमतारी
मुस्रि जदु राम बर'
थान्दै मेलनि गेजेरजोंनो भेरगाव जिला बर' थुनलाइ आफादनि खुगा लाइसि ''लाइसिमग्रा''नि गोजाम सुजु आफादखौबो सिमफायनानै गोदान मोनसे सुजु आफाद 2025-28 माइथाइनि थाखाय दानानै दोनाय जायो। गोदान सुजु आफादनि बिबानगिरिमोनखौ गाहायाव होनाय जाबाय -
1. मासिगिरि : मुस्रि मधुराम मछाहारि (भकटपारा)
2. गाहाइ सुजुगिरि : मुस्रि रनजन बर' (खैराबारि)
3. सुजुगिरिफोर : मुस्रिमा रिताम'नि बर' (टंला)
मुस्रि जयन्त बर' (खाग्राबारि)
मुस्रि जुगेन चन्द्र बर' (खैराबारि)
मुस्रि दावहारु बसुमतारि (बरदैसा सेरफां)
मुस्रि पुलेन बर' (टंला)
2. मिरु बर' थुनलाइ आफादनि मावफुं मेलाव बाहागो लानाय :
थांनाय 23 मार्च 2025 खालार खालि गुवाहाटी बाथौफुरि गड़चुक आहमगावआव थानाय समाज थुनलाइ हारिमुवारि मावथांखिसालियाव मिरु बर' थुनलाइ आफादनि मोनसे मावफुं मेल जायो। बे मिरु मावफुं मेलावनो भेरगाव जिला बर' थुनलाइ आफादनि गोदान मावफुं आफाद 2025 - 28 खौ गनायथि (Approved) लानाय जायो। बर' थुनलाइ आफादनि मावफुं मेलाव भेरगाव जिला बर' थुनलाइ आफादनिफ्राय बाहागो लाहैदोंमोन फारियै - मुस्रि पानाम चन्द्र बर' - बोसोनगिरि
मुस्रि बुधेस्वर बर' - बोसोनगिरि
मुस्रि बाबुल अखाफोर बर' - आफादगिरि
मुस्रि निरेन्द्र' दैमारि - लेङाइ आफादगिरि
मुस्रि मेहेरसा बर' - नेहाथारि
भेरगाव जिला बर' थुनलाइ आफाद।
3. हारि अनफावरि रुंसारि राजेन बर'नि हरखाब रुंसार जानायखौ खबर लाहैनाय :
पानेरि हालामनि सिंङाव थानाय गपिपुर गामिनि पानेरि दख'रा एबसुनि बारग' बारग' आफादगिरि, Development Foundation of Assam बिबाननिफ्राय 1st Bijay Krishna Handique Memorial Award for Leadership in Conservation बान्था मोनगिरि मुस्रि राजेन बर' बिथाङा गोब्राब बेरामनि नारसिननायाव देल्लीनि Max Super Speciality Hospital आव थांनाय 28 मार्च 2025 खालार खालि हरखाबै रुंसारि जायो। हरखाब रुंसारि जानाय खौरांखौ मोननानै भेरगाव जिला बर' थुनलाइ आफादा थांनाय 28 मार्च 2025 खालार खालि बिथांनि नखरसिम थांनानै खौरां लाहैयो आरो रुंसारिनि जानानै नखरनिसिम गोथौ दुखु मोननाय फोरमायो। जिला आफादनिफ्राय खौरां लाहैनायाव बाहागो लादोंमोन फारियै -
मुस्रि कामेस्वर बर' नेहाथारि बर' थुनलाइ आफाद
मुस्रि बुधेस्वर बर' बोसोनगिरि
मुस्रि बाबुल अखाफोर बर' आफादगिरि
मुस्रि निरेन्द्र' दैमारि - लेङाइ आफादगिरि
मुस्रि मेहेरसा बर' - नेहाथारि
भेरगाव जिला बर' थुनलाइ आफाद।
Comments
Post a Comment