12. बर' थुनलाइ आफादनि मिरु मावफुं बाहागो लानाय :
थांनाय 12 मे 2025 मायथाइ, खालार खालि र' थुनलाइ आफादनि मोनसे गोनांथार मिरु मावफुं जथुम (ECE) खौ गुवाहाटीनि दालाइ मावख' समाज थुनलाइ हरिमुवारि मावथांखिसालि, गड़चुक आहमगाव गुवाहाटीआव खुंफुंनाय जायो। बे मेलाव गाहायै बर' बिजों फालिनाय आरो आसाम सरकारनि Language Policy नि सायाव गुवारै सावरायनाय जायो। बे मावफुं जथुमाव भेरगाव जिला बर' थुनलाइ आफादनिफ्राय बाहागो लाहैदोंमोन फारियै -
मुस्रि बाबुल अखाफोर बर'- आफादगिरि
मुस्रि निरेन्द्र दैमारि - लेङाइ आफादगिरि
मुस्रि मेहेरसा बर' - नेहाथारि
भेरगाव जिला बर' थुनलाइ आफाद
13. 18 मे बर' बिजों सान फालिथाइ :
बोसोरफ्रोमबो फालिबोबाय थानाय बायदियै बे बोसोरावबो 18 मे बर' बिजों सानखौ भेरगाव जिला बर' थुनलाइ आफादा जिलानि सिङाव थानाय मुंख्लं सुजित नार्जारि नब्लां, कलाइगाव गुदि बर' थुनलाइ आफाद, कलाइगाव दख'रा आबोफ आरो कलाइगाव दख'रा एबसुनि बानजायनायाव सानसेनि मेहरगोनां हाबाफारिनि गेजेरजों गाजा गोमजायै खुंफुंलांनाय जायो। बै सानखालिनो फालिथाइजों लोब्बा लाखिनानै मोनसे खन्थाइनि आछा हाबाफारि लानाय जायो। फालिथाइनि सेथि हाबाफारि बादियै बर' बर' थुनलाइ आफादनि गोथार फिरफिलाखौ बिरहोयो भेरगाव जिला बर' थुनलाइ आफादनि आफादगिरि मुस्रि बाबुल अखाफोर बर' बिथाङा, मुंख्लंफोरनिसिम बिबार बावजेनो मुस्रि प्रदिप कुमार बर' लेङाइ आफादगिरि भेरगाव जिला बर' थुनलाइ आफाद, गेदेमा रुंसारिफोरनिसिम बिबार बावजेनो मिरु बर' थुनलाइ आफादनि मावफुं सोद्रोमा मुस्रि पानाम चन्द्र बर' बिथाङा। खन्थाइगिरि आछाखौ बेखेवनानै होयो मिरु बर' थुनलाइ आफादनि नेहाथारि मुस्रि कामेस्वर बर' बिथाङा आरो खन्थाइगिरि आद्याखौ सामलायो भेरगाव जिला बर' थुनलाइ आफादनि आफादगिरि मुस्रि बाबुल अखाफोर बर' बिथाङा। खन्थाइगिरि आद्यानि गेजेरजोंनो साथाम साबसिन खन्थाइनि थाखाय सेथि, नैथि आरो थामथि बान्था बावहरनाय जायो। बानथा मोनगिरि एबा आजावगिरि खन्थाइगिरिमोनखौ गाहायाव मख'नाय जाबाय -
1. सेथि बान्था - मुस्रि पदुलाल रामसियारि (टंला)
2. नैथि बान्था - मुस्रि फिरुस कान्त बसुमतारी (कलाइगाव)
3. थामथि बान्था - मुस्रि बिधुत साहारि (भकतपारा)
मख'जाथाव जायोदि, बे हाबाफारिनि गेजेरजोंनो इं 2025 मायथाइनि HSLC आरो HS आनजादाव बर' बिजोंआव फरायनानै सेथि मासियाव उथ्रिसार जानाय कलाइगाव हालामनि फरायसाफोरखौ बरायनाय जायो।
14. बरदैसा सेरफां गुदि बर' थुनलाइ आफादनो हा गथायनाय हाबाफारियाव बाहागो लानाय :
थांनाय 25 मे 2025 खालाराव सोरखारनिफ्राय आइन बादियै चिउनि काक्रामारियाव थानाय 2 बिघा हाखौ जिलानि सिङाव थानाय बरदैसा सेरफां गुदि बर' थुनलाइ आफादा मावखुलि नयं लुनो थाखाय सोरखारनिफ्राय Allotment मोननायनि उनाव ओनसोलनि रायजो -राजा आरो बायदि आफादफोरनि बिबानगिरिमोननि नुजाथिनायाव खैराबारि खोन्दो मावखुलिफ्राय फैनानै हाखौ सुनाय जायो आरो सिमाखौ थि खालामनानै होयो। बै सानखालिनि हाबाफारियाव भेरगाव जिला बर' थुनलाइ आफादनिफ्राय बाहागो लाहैदोंमोन फारियै -
मुस्रि बाबुल अखाफोर बर'- आफादगिरि
मुस्रि निरेन्द्र दैमारि - लेङाइ आफादगिरि
भेरगाव जिला बर' थुनलाइ आफादा लोगोसे बेहेरगामि गुदि बर' थुनलाइ आफाद आरो खाग्राबारि गुदि बर' थुनलाइ आफादनिफ्रायबो बाहागो लाहैयो। DDD
Comments
Post a Comment