21. बरदैसा सेरफां गुदि बर' थुनलाइ आफादाव दावबायहैनाय: 

बरदैसा सेरफां गुदि बर' थुनलाइ आफादनि बिबानगिरि आरो बै ओनसोलनि मेलेमजिबिमोनखौ लानानै थांनाय 4 जुलाई 2025 खालारखालि हा - हु जेंना आरो गुबुन गुबुन बिथिंखौ लानानै सावरायहैनाय जायो। बे सावरायहैनाय हाबाफारियाव बाहागो लाहैदोंमोन फारियै - मुस्रि कामेस्वर बर' - नेहाथारि, बर' थुनलाइ आफाद, मुस्रि बाबुल अखाफोर बर' - आफादगिरि, मुस्रि मेहेरसा बर' नेहाथारि, मुस्रि पद्यमधर मछाहारि- लोगो नेहाथारि भेरगाव जिला बर' थुनलाइ आफाद बिथांमोना। 

22. जोलुर गेलेनाय बादायलायनाय बेखेवनाय हाबाफारियाव बाहागो लानाय : 

बड'फा गोजोरथियारि सोलायनाय मावथांखिखौ बिथा खालामनानै अदालगुरि जिला दुलाराय बर' फरायसा आफादा बोसोरफ्रोमबो खुंबोबाय थानाय बायदिनो देग्लायबो 15 थि 13 बोसोर बैसो सिंनि जोलुर गेलेनाय बादायलाइनायखौ थांनाय 12 जुलाइ, 2025 खालारखालि खाग्राबारि जन'ता गेजेर आरो गोजौ फरायसालिनि गेलेग्रा फोथाराव जागायजेननाय जायो। बे गेलेनायनि बेखेवनाय हाबाफारियाव माननि आलासि महरै बाहागो लाहैदोंमोन फारियै -   मुस्रि बुद्धेस्वर बर'- बोसोनगिरि, मुस्रि मेहेरसा बर' नेहाथारि, भेरगाव जिला बर' थुनलाइ आफाद बिथांमोना। 

23. आबोफनि गायसनथाइ सान फालिनाय आरो  लामा हान्थिनाय हाबाफारियाव बाहागो लानाय : अदालगुरि जिला दुलाराय बर' आइजो अनसाइ आफादनि बानजायनायाव कलाइगाव मुंख्लं सुजित नारजारि गोसोखां नब्लांआव खुंजानाय दुलाराय आयजो अनसाय आफादनि गायसनथाय सानखौ सानसेनि हाबाफारिनि गेजेरजों थांनाय 14 जुलाइ, 2025 खालार खालि गाजा गोमजायै खुंफुंलांनाय जायो। बे हाबाफारिनि सावरायमेलाव आलासि महरै बाहागो लादोंमोन भेरगाव जिला बर' थुनलाइ आफादनि आफादगिरि मुस्रि बाबुल अखाफोर बर' बिथाङा। 

बे एखे सानावनो बेलासे समाव अदालगुरि जिला एबसुनि बानजायनायाव भेरगाव गोजौसिन गेजेरारि फरायसालिनिफ्राय  बड'फा फोथार भेरगावसिम बर' माहारि दानायनि थांखिजों मोनसे लामा हानजा सुरनाय हाबाफारि जानानै थाङो। बे लामा हानजा सुरनाय हाबाफारियाव भेरगाव जिला बर' थुनलाइ आफादनिफ्राय बाहागो लादोंमोन फारियै -मुस्रि बाबुल अखाफोर बर' - आफादगिरि, मुस्रि प्रदिप कुमार बर' लेङाइ आफादगिरि, मुस्रि मेहेरसा बर' नेहाथारि,  मुस्रि मतिलाल बसुमतारि बोसोनगिरि बिथांमोना।

24. मिरु बर' थुनलाइ आफादनि मावफुं मेलाव बाहागो लानाय :

थांनाय 15 जुलाइ, 2025 अक्ट' मंगलबारखालि बर' थुनलाइ आफादनि मिरु मावफुं जथुम (CEC) खौ गुवाहाटीनि दालाइ मावख' समाज थुनलाइ हरिमुवारि मावथांखिसालि, गड़चुक-आहमगाव गुवाहाटीयाव  लानाय जायो। बे मावफुं जथुमआव गाहायै बर' बिजोंनि आदर्श विद्यालय गायसनायनि थाखाय गुवारै सावरायलायनाय जायो। मिरु मावफुं मेलाव भेरगाव जिला बर' थुनलाइ आफादनिफ्राय बाहागो लाहैदोंमोन फारियै - मुस्रि पानाम चन्द्र बर', मिरु मावफुं सोद्रोमा बर' थुनलाइ आफाद, मुस्रि बाबुल अखाफोर बर' - आफादगिरि, मुस्रि फुलन दैमारि फोनांजाब नेहाथारि भेरगाव जिला बर' थुनलाइ आफाद।

25. जिला आफादनि मावफुं मेल लानाय :

बरदैसा सेरफां गुदि बर' थुनलाइ आफादनि बेन्दोंआव थानाय गपछासुबा गेजेर। गोजौ फरायसालियाव भेरगाव जिला बर' थुनलाइ आफादनि दिदोम आफादगिरि मुस्रि बाबुल अखाफोर बर'नि सामलायनायाव थांनाय इं 20 जुलाइ 2025 (रबिबार) खालारखालि भेरगाव जिला बर' थुनलाइ आफादनि ब्रैथि बोसोर, नैथि मावफुंमेलखौ लानाय जायो। बे मावफुं मेलाव गाहायै बर' बिजोँनि फोरोंगिरि जेंना आरो मोननैसो गोनांथार आयदाखौ सरजाबनानै सावरायनाय जायो। बे मावफुं मेलावनो बर' थुनलाइ आफादनि नेहाथारि  मुस्रि  कामेस्वर बर' आरो मिरु मावफुं सोद्रोमा मुस्रि पानाम चन्द्र बर'बिथांमोना बाहागो लायो।