30. बिबानगिरि लोगो हमनाय :

थांनाय इं  24 आगस्ट 2025, खालार खालि भेरगाव जिला बर' थुनलाइ आफादनि मोनसे हानजाया सोनाब कलाइगाव गुदि बर' थुनलाइ आफादनि बिबानगिरिमोनखौ लोगो हमनाय जायो। बेवहाय गुबैयै फैबाय थानाय भेरगाव जिला बर' थुनलाइ आफादनि 4 थि बोसोरारि जथुमा खुंन्थाइनि सोमोन्दै सावरायज्लाइनाय जायो। बे हाबाफारियाव बाहागो लादोंमोन फारियै मुस्रि बाबुल अखाफोर बर' आफादगिरि,  मुस्रि मेहेरसा बर' नेहाथारि भेरगाव जिला बर' थुनलाइ आफाद बिथांमोना। 

31.    27 सेप्टेम्बर सोरबा सुबुं मुंख्लं बिहुराम बर'नि थैनाय सान फालिनाय : 

बोसोरफ्रोमबो फालिनाय बायदिनो देग्लायबो  27 सेप्टेम्बरखौ सोरबा सुबुं  मुंख्लं बिहुराम बर'नि थैनाय सान महरै फालिनाय जायो। जिलानि गाहाइ मावख' सुबुं आगदारि धनेस्वर स्वारगियारि नयंआव फालिनाय हाबाफारियाव मुंख्लं बिहुराम बर'नि सावगारियाव बिबार बावजेनो भेरगाव जिला बर' थुनलाइ आफादनि लेङाइ आफादगिरि मुस्रि निरेन्द्र दैमारि बिथाङा। बिबार बावनाय हाबाफारियाव बाहागो लाबावो जिला बर' थुनलाइ आफादनि बोसोनगिरि मुस्रि मतिलाल बसुमटारी, नेहाथारि  मुस्रि मेहेरसा बर' बिथांमोना। 

32. मुंख्लं सान फालिनाय :

रमान  हांखोनि जुनै जिउ गारनांनाय मुंख्लंफोरखौ गोसो खांनानै बोसोरफ्रोमबो 28 सेप्टेम्बरखौ मुंख्लं सान महरै फालिबोबाय थादों। देग्लायबो  भेरगाव जिला बर' थुनलाइ आफादा जिलानि गाहाय मावख' सुबुं आगदारि धनेस्वर सरगियारि  नयंनि लांगोनायाव खुंफुंनाय जायो। हाबाफारि बादियै  बर' थुनलाइ आफादनि गोथार फिरफिलाखौ खावसे बिरहोयो भेरगाव जिला बर' थुनलाइ आफादनि आफादगिरि मुस्रि बाबुल अखाफोर बर' बिथाङा। मुख्लं खामफायाव बिबार बाउजेनो जिला बर' थुनलाइ आफादनि लेङाइ आफादगिरि मुस्रि प्रदिप कुमार बर' बिथाङा बे हाबाफारिनि जोबनायनि उनाव भेरगाव इउ.एन. एकाडदेमियाव रमान हांखो सोमावसारनाययाव मुंख्लं जानाय आरो जेल जानांनाय सुबुंफोरनि बिहोमाखौ बिथा खालामनानै मोनसे सावराय मेलबो लानाय जायो। सावरायनाय हाबाफारियाव सावरायगिरि महरै बाहागो लायो मुस्रि दिहि राम बर' - बोसोनगिरि बेहेरगामि गुदि बर' थुनलाइ आफाद, मुस्रि कामेस्वर बर'- नेहाथारि बर' थुनलाइ आफाद , मुस्रि भुमिधर बर' - रांगिरि भेरगाव जिला बर' थुनलाइ आफाद आरो मुस्रि पानाम चन्द्र बर', मावफुं सोद्रोमा मिरु बर' थुनलाइ आफाद  बिथांमोना। सावराय मेलखौ दैदेनदोंमोन भेरगाव जिला बर' थुनलाइ आफादनि मुस्रि बाबुल अखाफोर बर' बिथाङा। 

33. Ph.d बिमुं मोननायखो बरायहैनाय :

थांनाय 01 अक्ट' खालारखालि टंला कलेजनि बिबुंगोरा मुस्रि समेस्वर बर' बिथाङा डक्ट'रेट (Ph.d) बिमुं मोननायनि थाखाय भेरगाव जिला बर' थुनलाइ आफादा गोजोननानै बिथांनि नवाव थांनानै बराय हैनाय जायो। बरायनाय हाबाफारियाव बाहागो लाहैयो जिला बर' थुनलाइ आफादनिफ्राय फारियै मुस्रि बाबुल अखाफोर बर- आफादगिरि आरो मुस्रि सबि राम बर'- लोगो नेहाथारि बिथांमोना। 

34. जिलानि बिबानगिरि मेल खुंनाय :

थांनाय इं 02 अक्ट'बर खालारखालि जिलानि सिङाव थानाय खैराबारि गुदि बर' थुनलाइ आफादनि गाहाय मावखुलियाव भेरगाव जिला बर' थुनलाइ आफादनि मोनसे बिबानगिरि मेल (Cabinet Meeting) लानाय जायो। बै बिबानगिरि मेलाव जिला आफादनि 4 थि बोसोरारि जथुमाखौ सोनाब कलाइगाव गुदि बर' थुनलाइ आफाद सिङाव खुंफुंनायनि थांखि लानाय जायो। बिबानगिरि मेलखौ सामलायदोंमोन जिला आफादनि आफादगिरि मुस्रि बाबुल अखाफोर बर' बिथाङा।  बै सानखालिनि मेलावनो जिला आफादनि खुगा लाइसि 'लाइसिमग्रा' सुजु आफादनो बिनि ब्रैथि बिसानखौ सेबखांना दिहुननो थाखाय बिबान होनाय जायो। 


Comments

Post a Comment

Popular posts from this blog

 भजन गीत  क्रूस केर मरण से प्रभु जीवन मोके देले  कहियी नी बदला येसु, तोके देवे परबू  जीवन मोर प्रभु सोईप देली तोके  अब तोरे ऊपर येसु (मसीद) मोंय  जीवन विताबुं  1. मोर पाप खतिर प्रभु  तोंय क्रूस केर मरण  चुनले तोंय येसु मोर मुक्ति लगिन  तोर महिमा कैसे करबूं  अब तोरे ऊपर येसु मोंय जीवन बितबुँ  अब तोरे ऊपर महिमा मोंय जीवन बितबुँ  2.  दया तोरे येसु मनेवा  केर खातिर  करले तोंय प्रभु अपने के बालि  तोर महिमा कैसे करबुँ  अब तोरे ऊपर येसु मोय जीवन बितबुँ अब तोरे ऊपर मसिह मोंय जीवन बितबुँ
Read more
প্রতি,             মানণীয় শ্রীযুঠ ............................................ গাঁঁও ............................... মহাশয়  ইয়াৰ দ্বাৰা আপোনাক জনোবা যায় যে যোবা ইং ................. তাৰিখত আমাৰ বুঢ়া পূজাশালি দূর্গা পূজা  কমিটিৰ  পৰা মুঠ ....................................... টকা ঋণ লৈছিল আৰু বর্তমান উক্ত ঋণৰ টকা সুতে - মুলে  মুঠ  .................................. টকা হৈছে। গতিকে আপোনাক অহা ৬ / ৯ / ২১ তাৰিখে মুঠ টকা আদায় দিবলৈ অনুৰোধ জনোবা হল। ইতি।                                                                                                                                           ...
Read more
साख्रिनि रादाब Gyan Vigyan Academy (A senior secondary school) डिब्रगर-1 डिब्रगरनि Gyan Vigyan Academy आव गासै 10 था फोरोंगिरिनि मासि लादां जानानै दं। जेराव खालि जाना दं बेफोरखौ गाहायाव रोखायै मुंख'दों- 1.English- 2 posts Minimum qualification :B.A (major in English) 2.Science - 2 post  Minimum qualification: B.Sc 3.Mathematics: 1 post Minimum qualification : B.sc (major in mathematics). 4.Gography: 1 post Minimum qualification qualification : M.A in Geography . 5.Economics: 1 post Minimum qualification: M.A in economics  6.Assamamese: 1 post Minimum qualification : M.A in Assamamese  7.Hindi: 1 post Minimum qualification: Graduate with Hindi or equivalent  8.Computer science: 1 post  Minimum qualification : BCA गोसो गुदुं गोनां बिजाथिफोरखौ गासै certificate फोरखौ जमा होनो खावलायबाय आरो interview लानाय समाव original certificate फोरखौ दिन्थिनो नांगोन। Interview नि अक्ट: 11 एप्रिल ,2021 सम: 9.30 a.m onwards. जायगा: Gyan Vigyan Academy  P.N road, Dibrugarh.
Read more