1. नेरसोनथि आरो बदमोनथि गोसो होनाया मा (Ideational and Senosory attention)?

फिन : गोसो होनाया जेब्ला सासे मानसिनि गावारि सानस्रि, सानदांथि, सानबोलावरि बायदि बाइदिफोरनि सायाव सोनारो अब्ला बे गोसो होनायखौनो नेरसोनथि गोसो होनाय होनना बुंनाय जायो। बे गोसो होनाया इन्द्रिय' दुंखां होनायनि जोहै सोमजिया। खन्थाइगिरि, बिगियानगिरि, बिजिरसंगिरि आरो गुबुन गुबुन सुबुंफोरा सरासनस्रायै बे रोखोमनि गोसो होनायाव नांथाबो। बिदिन्थि - जेब्ला सासे सुबुङा माबा मोनसेयाव गोसोयारि महरै नांथाबना थायो आरो गावनि सिङाव आरो बिनि खाथि-खाला मा जागासिनो दं बेनि सायाव जेबो साननांगौ गैया, अब्ला बेयो नेरसोनथियारि गोसो होनायनि जाहोनाव जायो ।

    बेरा फार्से बदमोनथि गोसो होनाया नेरसोनथिनि बिखुं एबा उल्था। जों बा इन्द्रिय'नि गेजेरजों बायदिसिना बद मोनो। अदेबानि बद एबा सुथि (SENSE) मोननायनि जाहोनाव इन्द्रिय'नि जोहै जा गोसो होनाय जायो बिखौनो बदमोनथि गोसो होनाय बुङो। बे गोसो होनाया मोनथाम जाहोग्रा जाहोन एबा थासारिनि सायाव सोनारो। जेरै - दुंखां होग्रा बोगथाबनां गोहो, बा इन्द्रिय'नि मावथि आरो मेलेमनि फिन मावथाइ गोहो। बिदिन्थि- जों मोनसे गारिनि बेम्फा दामनाय आरो स्रां सोरांनि फारसे गोसो होनाया मोनदांथिनि मोनसे बिदिन्थि।

2. बिजिरथायारि आरो गोरोबथायारि गोसो होनाया मा (Analythical and Synthetic Attention)?

Ans: जेब्ला मोनसे आयदानि बागै गासै एबा सोरगिदिं बिथिं एबा जाहोनफोरखौ नोजोर होनानै गोसो होनाय जायो , बिखौनो बिजिरथायारि गोसो होनाय बुङो। बे रोखोमनि गोसो होनायाव आयदानि फारफ्रोमबो बाहागोफोरखौ नोजोर होनाय जायो। जेरै - गांसे जि बायनाय समाव बिनि बेसेन, जिनि गुन मान, गाबनि गलायमोनदेर - बिफोर गासै बिथिं गोसो होनाया बिजिरथायारि गोसो होनाय।

        गुबुन फ़ारसे, गोरोबथायारि गोसो होनाया बिजिरथायारिनि उल्था। जेब्ला मोनसे आयदा एबा दुंखांहोग्रानि बायदिसिना बाहागो आरो बिथिंफोरखौ गोसोआव मोनसे खौसेथिनि गुदि खालामनानै गोसो होनाय जायो,बेखौनो गोरोबथायारि गोसो होनाय बुंनाय जायो। बे रोखोमनि गोसो होनायाव आलादा- आलादायै बाहागोफोरखौ बिजिराजासे फारफ्रोमबो बिथिंआव नोजोर होनाय जायो। जेरै - गांसे थुनफावथाइ नायनाय समाव थुनफावथायनि गुबुन गुबुन बिथिंफोरखौ आलादा- आलादायै नायाबालासै मोनसे सानगुदि हिसाबै गोसो होनाय जायो बेनो गोरोबथायारि गोसो होनाय।